الماتىدا كٷرەس تٷرلەرٸنەن ازييا چەمپيوناتى مەرەگە جەتتٸ, دەپ حابارلايدى "ۇلت اقپارات".
قازاقستاندىق ولەگ بولتين 125 كگ سالماقتا فينالدا قىرعىزستاندىق اييال لازارەۆپەن بەلدەستٸ.
تارتىستى ٶربٸگەن بەلدەسۋ بارىسىندا قىرعىزستاندىق بالۋان 3:2 ەسەبٸمەن الدا تۇردى. سوڭعى سەكۋندتاردا ەكٸ بالعا باعالانعان ەدٸس جاساپ ٷلگەرگەن بولتين ەركٸن كٷرەستەن قازاقستان قۇراماسى ٷشٸن ٷشٸنشٸ التىنعا قول جەتكٸزدٸ.
اسا اۋىر سالماقتا بۇدان بٸر جىل بۇرىن يۋسۋپ باتىرمۇرزاەۆ ازييا چەمپيونى اتانعان ەدٸ. بيىل وعان قوسا يۋسۋپ باتىرمۇرزاەۆ الماتىدا ٶتكەن ليتسەنزييالىق تۋرنيردە وليمپيادا جولداماسىن يەلەنگەن بولاتىن. ەندٸ بولتين ازييا بٸرٸنشٸلٸگٸندە ٷزدٸك شىعىپ وتىر.
تاعى بٸر قازاقستاندىق ەلحان اسادوۆ 92 كگ سالماقتا قولا جٷلدە ٷشٸن بەسەكەدە وڭتٷستٸككورەيالىق بالۋانعا ەسە جٸبەردٸ.
ەسكە سالا كەتەيٸك, بۇدان بۇرىن نۇرقوجا قايپانوۆتىڭ ەركٸن كٷرەستەن ەكٸ دٷركٸن ازييا چەمپيونى اتانعانىن جازعان بولاتىنبىز.
