Oqýshylar arasynda koronavirýspen aýyrǵandar kóbeiip ketti. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Dástúrli oqý formaty engizilgen sátten bastap oqýshylar arasynda koronavirýspen aýrýdyń ósimi baiqalady. 4-toqsan bastalǵannan beri 3 706 oqýshy, onyń ishinde oflainda bilim alyp jatqan 1 093, onlain rejimde oqityn 2 613 bala aýyrdy», - dedi ministr.
Onyń dereginshe, 4-toqsanda dástúrli formatta bilim alyp jatqan Qaraǵandy, Qyzylorda jáne Soltústik Qazaqstan oblysy oqýshylary arasynda koronavirýsqa shaldyqqandar artqan. Al onlain rejimde oqityndar arasynda Nur-Sultan men Almaty oblysynda koronavirýspen aýyrǵandar kóp.
«Osyǵan orai ákimdikter bilim berý uiymdarynda sanitarlyq-epidemiologiialyq talaptardyń saqtalýyna jáne koronavirýstyń aldyn alýdyń negizgi is-sharalaryn oryndalýyna turaqty baqylaýdy qamtamasyz etýi qajet. Sonymen qatar tańerteń filtrleý, qyzmetkerlerdiń maska rejimin saqtaýy, úi-jailardy zalasyzdandyrý júrgizilýi tiis. «Qyzyl» aimaqta turǵan óńirlerde oqýdy oflain rejimde júrgizýge bolmaidy», - dedi Aleksei Tsoi.
