وقۋشىلار اراسىندا كوروناۆيرۋسپەن اۋىرعاندار كٶبەيٸپ كەتتٸ. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«دەستٷرلٸ وقۋ فورماتى ەنگٸزٸلگەن سەتتەن باستاپ وقۋشىلار اراسىندا كوروناۆيرۋسپەن اۋرۋدىڭ ٶسٸمٸ بايقالادى. 4-توقسان باستالعاننان بەرٸ 3 706 وقۋشى, ونىڭ ٸشٸندە وفلايندا بٸلٸم الىپ جاتقان 1 093, ونلاين رەجيمدە وقيتىن 2 613 بالا اۋىردى», - دەدٸ مينيستر.
ونىڭ دەرەگٸنشە, 4-توقساندا دەستٷرلٸ فورماتتا بٸلٸم الىپ جاتقان قاراعاندى, قىزىلوردا جەنە سولتٷستٸك قازاقستان وبلىسى وقۋشىلارى اراسىندا كوروناۆيرۋسقا شالدىققاندار ارتقان. ال ونلاين رەجيمدە وقيتىندار اراسىندا نۇر-سۇلتان مەن الماتى وبلىسىندا كوروناۆيرۋسپەن اۋىرعاندار كٶپ.
«وسىعان وراي ەكٸمدٸكتەر بٸلٸم بەرۋ ۇيىمدارىندا سانيتارلىق-ەپيدەميولوگييالىق تالاپتاردىڭ ساقتالۋىنا جەنە كوروناۆيرۋستىڭ الدىن الۋدىڭ نەگٸزگٸ ٸس-شارالارىن ورىندالۋىنا تۇراقتى باقىلاۋدى قامتاماسىز ەتۋٸ قاجەت. سونىمەن قاتار تاڭەرتەڭ فيلترلەۋ, قىزمەتكەرلەردٸڭ ماسكا رەجيمٸن ساقتاۋى, ٷي-جايلاردى زالاسىزداندىرۋ جٷرگٸزٸلۋٸ تيٸس. «قىزىل» ايماقتا تۇرعان ٶڭٸرلەردە وقۋدى وفلاين رەجيمدە جٷرگٸزۋگە بولمايدى», - دەدٸ الەكسەي تسوي.
