Nur-Sultan qalasynyń bas sanitarlyq dárigeri Janna Pirálieva sońǵy bes aptada koronavirýsqa shaldyqqandar boiynsha statistikalyq málimetterdi jariialady, dep habarlaidy QazAqparat.
«5 apta boiy ózi aýrýhanaǵa júgingen jáne úide bailanysta bolǵan naýqastar sanynyń artýy saqtalyp otyr, bul qala turǵyndarynyń aldyn alý sharalaryn saqtamaǵanyn bildiredi.
Máselen, sońǵy 5 aptada tirkelgenderdiń 38 paiyzy meditsinalyq kómekke júgingen kezde anyqtaldy, 35 paiyzy (213 jaǵdai) naýqastarmen bailanys boiynsha zerthanalyq tekserý kezinde, 27 paiyzy (160 jaǵdai) profilaktikalyq tekserý kezinde anyqtaldy. Bailanys jaǵdailarynyń arasynda úi oshaqtarynda infektsiia basym bolady jáne statsionardaǵy jumys boiynsha 8 paiyz», - dedi J. Pirálieva onlain rejimde ótken koronavirýs infektsiiasynyń aldyn alý sharalary boiynsha baspasóz máslihatynda.
Onyń sózine qaraǵanda, 45 oqýshy indet juqtyrdy, sonyń ishinde 37-si qashyqtan bilim alyp jatqandar. Sonymen qatar, 12 stýdent (qashyqtyqtan bilim alýda), basqa salalarda jumys isteitin 290 (onyń ishinde 121-i qashyqtan) adam, jumys istemeitin 164 turǵyn, zeinetkerler sanatyndaǵy 78 adam aýrýǵa shaldyqqan.
«Oqý jylynyń basynan beri barlyǵy 47 oqýshy aýyryp qaldy, onyń 39-y qashyqtan bilim alyp jatqandar. Bailanysta bolǵandar arasynda KVI joq», - dedi J. Pirálieva.
