Aqtóbe oblysy boiynsha 2 myńnan astam adam pnevmoniiadan emdelip jatyr. Bir táýlikte 100-ge jýyq adam emdeý ornyna jetkizilgen, dep habarlaidy "Ult aqparat".
Aqtóbe oblysy ákiminiń keńesshisi Áset Qalievtiń aitýynsha, óńirde pnevmoniiaǵa bailanysty jaǵdai ázirge kúrdeli. Biraq jergilikti atqarýshy organ bárin baqylap otyr.
«Ókpe qabynýy dertine shaldyǵyp, aýrýhanaǵa túskender sany azaimady. Biraq ósim de joq. Bári turaqty. Ótken táýlikte 98 adam jatqyzyldy. Dálirek aitsaq, Aqtóbe oblysy boiynsha 2 649 naýqas em alyp jatyr, onyń 761-i ambýlatoriiada. Aýdandarda 618 naýqas tirkelip tur. Dári-dármek jetkilikti. Aldaǵy ailarǵa josparlanǵan antibiotikter jetkizildi», - dedi oblys ákiminiń keńesshisi Áset Qaliev.
Aita keteiik, óńirde 46 rentgen apparaty bar. Onyń 18-i provizorlyq statsonarda tur.
«Kezek bar, ol máseleni bilip otyrmyz. Jyljymaly keshen jumysyn bastady. Bul suranysty tolyq qamtyp, qyzmet kórsetý sapasyn arttyrady dep oilaimyz», - dedi Áset Qaliev.
