اقتٶبە وبلىسى بويىنشا 2 مىڭنان استام ادام پنەۆمونييادان ەمدەلٸپ جاتىر. بٸر تەۋلٸكتە 100-گە جۋىق ادام ەمدەۋ ورنىنا جەتكٸزٸلگەن, دەپ حابارلايدى "ۇلت اقپارات".
اقتٶبە وبلىسى ەكٸمٸنٸڭ كەڭەسشٸسٸ ەسەت قاليەۆتٸڭ ايتۋىنشا, ٶڭٸردە پنەۆمونيياعا بايلانىستى جاعداي ەزٸرگە كٷردەلٸ. بٸراق جەرگٸلٸكتٸ اتقارۋشى ورگان بەرٸن باقىلاپ وتىر.
«ٶكپە قابىنۋى دەرتٸنە شالدىعىپ, اۋرۋحاناعا تٷسكەندەر سانى ازايمادى. بٸراق ٶسٸم دە جوق. بەرٸ تۇراقتى. ٶتكەن تەۋلٸكتە 98 ادام جاتقىزىلدى. دەلٸرەك ايتساق, اقتٶبە وبلىسى بويىنشا 2 649 ناۋقاس ەم الىپ جاتىر, ونىڭ 761-ٸ امبۋلاتورييادا. اۋدانداردا 618 ناۋقاس تٸركەلٸپ تۇر. دەرٸ-دەرمەك جەتكٸلٸكتٸ. الداعى ايلارعا جوسپارلانعان انتيبيوتيكتەر جەتكٸزٸلدٸ», - دەدٸ وبلىس ەكٸمٸنٸڭ كەڭەسشٸسٸ ەسەت قاليەۆ.
ايتا كەتەيٸك, ٶڭٸردە 46 رەنتگەن اپپاراتى بار. ونىڭ 18-ٸ پروۆيزورلىق ستاتسوناردا تۇر.
«كەزەك بار, ول مەسەلەنٸ بٸلٸپ وتىرمىز. جىلجىمالى كەشەن جۇمىسىن باستادى. بۇل سۇرانىستى تولىق قامتىپ, قىزمەت كٶرسەتۋ ساپاسىن ارتتىرادى دەپ ويلايمىز», - دەدٸ ەسەت قاليەۆ.
