قازاقستاندا 2026–2027 جىلعى قىس سالىستىرمالى تٷردە جىلى بولادى دەپ كٷتٸلەدٸ. الايدا ەلدٸڭ كەي ٶڭٸرلەرٸندە جاۋىن-شاشىن مٶلشەرٸ نورمادان جوعارى بولىپ, بۇرقاسىن, كٶكتايعاق پەن تۇمان بولۋى مٷمكٸن. بۇل تۋرالى «قازگيدرومەت» رمك-نىڭ كونسۋلتاتيۆتٸك ماۋسىمدىق بولجامىندا ايتىلعان, دەپ حابارلايدى ult.kz.
قاراشا جىلى ەرٸ جاۋىن-شاشىندى بولادى
قازگيدرومەتتٸڭ الدىن الا بولجامىنا سەيكەس, 2026 جىلعى قاراشادا اۋا تەمپەراتۋراسى كليماتتىق نورمادان 2°س جوعارى بولادى. سونىمەن قاتار رەسپۋبليكانىڭ باسىم بٶلٸگٸندە جاۋىن-شاشىن مول تٷسەدٸ دەپ كٷتٸلەدٸ.
جاۋىن-شاشىننىڭ ەڭ كٶپ مٶلشەرٸ سولتٷستٸك-باتىس, سولتٷستٸك, سولتٷستٸك-شىعىس جەنە شىعىس ٶڭٸرلەردە, سونداي-اق وڭتٷستٸك-شىعىستىڭ شىعىس بٶلٸگٸ مەن تاۋلى اۋدانداردا بولجانىپ وتىر. ەلدٸڭ باسىم بٶلٸگٸندە جاڭبىر, قار جەنە جاڭبىر ارالاس قار جاۋۋى مٷمكٸن. سولتٷستٸك پەن شىعىستا ايدىڭ باسىنان كەيٸن نەگٸزٸنەن قار جاۋادى دەپ كٷتٸلەدٸ.
قاراشادا تۇمان, كٶكتايعاق جەنە ەكپٸندٸ جەل بولۋى ىقتيمال. رەسپۋبليكانىڭ سولتٷستٸك جارتىسىندا بۇرقاسىن بولۋى مٷمكٸن.
ايدىڭ باسىندا سولتٷستٸك, ورتالىق جەنە شىعىس ٶڭٸرلەردە تٷنگٸ اۋا تەمپەراتۋراسى 0…+5°س-قا, كٷندٸز +5…+16°س-قا دەيٸن كٶتەرٸلەدٸ. وڭتٷستٸك پەن وڭتٷستٸك-شىعىستا تٷندە +5…+15°س, كٷندٸز +15…+25°س بولۋى مٷمكٸن.
ال باتىس جەنە وڭتٷستٸك-باتىس ٶڭٸرلەردە تٷنگٸ تەمپەراتۋرا 0…−7°س-قا دەيٸن تٶمەندەپ, كٷندٸز 0…+5°س شاماسىندا بولادى دەپ بولجانۋدا.
ايدىڭ ەكٸنشٸ جەنە ٷشٸنشٸ ونكٷندٸكتەرٸندە اۋا تەمپەراتۋراسى قۇبىلمالى بولادى. كەي كٷندەرٸ سولتٷستٸك, شىعىس جەنە ورتالىق ٶڭٸرلەردە تٷنگٸ اياز −10…−18°س-قا دەيٸن جەتۋٸ مٷمكٸن.
جەلتوقسان مەن قاڭتاردا اۋا رايى قانداي بولادى?
ماۋسىمدىق بولجام بويىنشا, 2026 جىلعى جەلتوقساندا قازاقستاننىڭ بارلىق ٶڭٸرٸندە ورتاشا اۋا تەمپەراتۋراسى كليماتتىق نورمادان 2°س جوعارى بولادى دەپ كٷتٸلەدٸ.
جاۋىن-شاشىن مٶلشەرٸ ەلدٸڭ باسىم بٶلٸگٸندە نورماعا جۋىق بولادى. ال سولتٷستٸك ٶڭٸرلەردە, سولتٷستٸك-باتىس پەن سولتٷستٸك-شىعىستىڭ بٸرقاتار اۋماعىندا جاۋىن-شاشىن نورمادان جوعارى بولۋى ىقتيمال. قىزىلوردا وبلىسىنىڭ وڭتٷستٸگٸندە جاۋىن-شاشىن مٶلشەرٸ نورمادان تٶمەن بولادى دەپ بولجانۋدا.
2027 جىلعى قاڭتاردا رەسپۋبليكانىڭ باسىم بٶلٸگٸندە ورتاشا اۋا تەمپەراتۋراسى كليماتتىق نورمادان 1–2°س جوعارى بولۋى مٷمكٸن. دەگەنمەن باتىس قازاقستان, اتىراۋ, اقتٶبە, قوستاناي جەنە سولتٷستٸك قازاقستان وبلىستارىنىڭ باسىم بٶلٸگٸندە, سونداي-اق اقمولا وبلىسىنىڭ سولتٷستٸك-باتىسىندا تەمپەراتۋرا كليماتتىق نورما شاماسىندا بولادى دەپ كٷتٸلەدٸ.
قاڭتاردا جاۋىن-شاشىن مٶلشەرٸ ەلدٸڭ باسىم بٶلٸگٸندە نورماعا ساي بولادى. باتىس قازاقستان وبلىسىنىڭ وڭتٷستٸك-باتىسىندا, اتىراۋ وبلىسىنىڭ باتىسىندا جەنە ماڭعىستاۋ وبلىسىندا جاۋىن-شاشىن نورمادان جوعارى بولۋى مٷمكٸن. ال وڭتٷستٸك جەنە ورتالىق ٶڭٸرلەردٸڭ بٸرقاتار اۋماعىندا جاۋىن-شاشىن مٶلشەرٸ نورمادان تٶمەن بولجانىپ وتىر.
اقپاندا جاۋىن-شاشىن كٶبەيەدٸ
2027 جىلعى اقپاندا قازاقستاننىڭ باسىم بٶلٸگٸندە ورتاشا اۋا تەمپەراتۋراسى كليماتتىق نورمادان 1–3°س جوعارى بولادى دەپ كٷتٸلەدٸ.
سولتٷستٸك جەنە شىعىس ٶڭٸرلەردە, سونىڭ ٸشٸندە سولتٷستٸك قازاقستان جەنە شىعىس قازاقستان وبلىستارىندا, پاۆلودار وبلىسىنىڭ باسىم بٶلٸگٸندە, اباي وبلىسىنىڭ سولتٷستٸك-شىعىسىندا, سونداي-اق قوستاناي مەن اقمولا وبلىستارىنىڭ سولتٷستٸگٸندە تەمپەراتۋرا كليماتتىق نورما شاماسىندا بولادى.
اقپاندا رەسپۋبليكانىڭ باسىم بٶلٸگٸندە جاۋىن-شاشىن مٶلشەرٸ نورمادان جوعارى بولۋى ىقتيمال. ەلدٸڭ باتىس جارتىسىنىڭ بٸرقاتار ٶڭٸرٸندە جاۋىن-شاشىن كليماتتىق نورماعا ساي بولادى دەپ بولجانۋدا. ال ماڭعىستاۋ وبلىسىنىڭ وڭتٷستٸك-شىعىسىندا, اقتٶبە وبلىسىنىڭ وڭتٷستٸگٸندە جەنە قىزىلوردا وبلىسىنىڭ وڭتٷستٸك-باتىسىندا جاۋىن-شاشىن مٶلشەرٸ نورمادان تٶمەن بولۋى مٷمكٸن.
قىستا تەمپەراتۋرا كٷرت قۇبىلۋى مٷمكٸن
قازگيدرومەتتٸڭ كونسۋلتاتيۆتٸك ماۋسىمدىق بولجامىنا سەيكەس, 2026–2027 جىلعى قىس سالىستىرمالى تٷردە جىلى, ال اتموسفەرالىق جاۋىن-شاشىن مٶلشەرٸ ورتاشا بولادى دەپ كٷتٸلەدٸ. دەگەنمەن سولتٷستٸك-باتىس, سولتٷستٸك, سولتٷستٸك-شىعىس ٶڭٸرلەردٸڭ جەكەلەگەن اۋداندارىندا جەنە ورتالىق قازاقستاندا جاۋىن-شاشىن نورمادان جوعارى بولۋى ىقتيمال.
قىس بويى كەي جەرلەردە بۇرقاسىن, ەكپٸندٸ جەل, كٶكتايعاق پەن تۇمان بولجانىپ وتىر. اۋا تەمپەراتۋراسىنىڭ كٷرت ٶزگەرۋٸ قار جامىلعىسىنىڭ ٸشٸندە مۇز قاباتىنىڭ تٷزٸلۋٸنە ىقپال ەتۋٸ مٷمكٸن.
ايتا كەتەيٸك, ماۋسىمدىق بولجام كونسۋلتاتيۆتٸك سيپاتقا يە. ناقتى كٷندەردەگٸ اۋا رايى جاعدايى قىسقا مەرزٸمدٸ بولجامداردا ناقتىلانادى.
