قوستاناي وبلىسىندا كٶشٸ-قون زاڭناماسىن بۇزعان ەكٸ شەتەل ازاماتى قازاقستان اۋماعىنان مەجبٷرلٸ تٷردە شىعارىلدى. تاعى ەكٸ ازامات ەكٸمشٸلٸك جاۋاپكەرشٸلٸككە تارتىلىپ, ەرقايسىسىنا 75 مىڭ تەڭگەدەن استام ايىپپۇل سالىندى, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, قۇقىق بۇزۋشىلىقتار «قاۋٸپسٸز ٷي» جەدەل-پروفيلاكتيكالىق ٸس-شاراسى بارىسىندا انىقتالعان.
تەكسەرۋ كەزٸندە ەكٸ شەتەل ازاماتىنىڭ قازاقستاندا تٸركەلۋ تەرتٸبٸن بۇزعانى جەنە تيٸستٸ رۇقسات قۇجاتتارىنسىز ەڭبەك قىزمەتٸمەن اينالىسقانى بەلگٸلٸ بولدى. پوليتسييا جيناقتاعان ماتەريالداردى قاراعان سوت ولاردى ەل اۋماعىنان مەجبٷرلٸ تٷردە شىعارۋ تۋرالى شەشٸم قابىلدادى.
سونىمەن قاتار زاڭ تالاپتارىن بۇزعان تاعى ەكٸ ازامات ەكٸمشٸلٸك جاۋاپكەرشٸلٸككە تارتىلدى. ولاردىڭ ەرقايسىسىنا 75 687 تەڭگە ايىپپۇل سالىندى. جالپى ايىپپۇل سوماسى 151 374 تەڭگەنٸ قۇرادى.
قۇقىق قورعاۋ ورگاندارى ٶڭٸردە كٶشٸ-قون زاڭناماسىنىڭ ساقتالۋىن باقىلاۋدى كٷشەيتٸپ, زاڭسىز كٶشٸ-قوننىڭ الدىن الۋعا باعىتتالعان رەيدتەردٸ جالعاستىرادى.
