Qostanai oblysynda kóshi-qon zańnamasyn buzǵan eki shetel azamaty Qazaqstan aýmaǵynan májbúrli túrde shyǵaryldy. Taǵy eki azamat ákimshilik jaýapkershilikke tartylyp, árqaisysyna 75 myń teńgeden astam aiyppul salyndy, dep habarlaidy ult.kz.
Oblystyq politsiia departamentiniń málimetinshe, quqyq buzýshylyqtar «Qaýipsiz úi» jedel-profilaktikalyq is-sharasy barysynda anyqtalǵan.
Tekserý kezinde eki shetel azamatynyń Qazaqstanda tirkelý tártibin buzǵany jáne tiisti ruqsat qujattarynsyz eńbek qyzmetimen ainalysqany belgili boldy. Politsiia jinaqtaǵan materialdardy qaraǵan sot olardy el aýmaǵynan májbúrli túrde shyǵarý týraly sheshim qabyldady.
Sonymen qatar zań talaptaryn buzǵan taǵy eki azamat ákimshilik jaýapkershilikke tartyldy. Olardyń árqaisysyna 75 687 teńge aiyppul salyndy. Jalpy aiyppul somasy 151 374 teńgeni qurady.
Quqyq qorǵaý organdary óńirde kóshi-qon zańnamasynyń saqtalýyn baqylaýdy kúsheitip, zańsyz kóshi-qonnyń aldyn alýǵa baǵyttalǵan reidterdi jalǵastyrady.
