eGov Mobile mobildi qosymshasynda otbasynyń ál-aýqatyn baǵalap, áleýmettik jaǵdaiyn anyqtaýǵa múmkindik beretin jańa servis paida boldy, dep habarlaidy ult.kz.
Jańa kalkýliator 2027 jylǵy 1 qańtardan bastap keibir memlekettik kómekterdi otbasynyń naqty jaǵdaiy men muqtajdyǵyna qarai kórsetý tártibine kóshý aiasynda iske qosylǵan.
Servis arqyly azamattar otbasynyń ál-aýqatyn baǵalaý talaptarymen tanysyp, óz otbasynyń jaǵdaiyn aldyn ala anyqtai alady.
Baǵalaý kezinde tek otbasynyń tabysy men múlki ǵana emes, otbasy quramy, balalardyń, qart adamdardyń jáne múgedektigi bar adamdardyń bolýy siiaqty áleýmettik faktorlar da eskeriledi. Esepteý alty baǵyt boiynsha 59-dan astam kórsetkishke negizdeledi.
Alaida kalkýliator nátijesi memlekettik kómek taǵaiyndaýǵa nemese ony toqtatýǵa negiz bolmaidy. Esep azamattyń ózi engizgen málimetter boiynsha júrgiziledi jáne tek aqparattyq sipatqa ie.
