Aqtaýda qaraýsyz qalǵan 4 jáne 6 jastaǵy eki balany politseiler aman alyp qaldy. Balalardyń biri ashyq tereze mańynda turǵan. Oqiǵa ornyna jedel jetken tártip saqshylary ekinshi qabattaǵy páterge tereze arqyly kirip, búldirshinderdi qaýipten qutqardy, dep habarlaidy ult.kz.
Polisia.kz málimetinshe, «102» arnasyna Aqtaýdaǵy 31B shaǵynaýdanyndaǵy №15 úidiń ekinshi qabatynda kishkentai balanyń ashyq tereze mańynda turǵany týraly habarlama túsken. Jaǵdaidyń bala ómirine qaýip tóndirýi múmkin ekenin túsingen qyzmetkerler dereý oqiǵa ornyna jetken.
Tekserý barysynda páterde 4 jáne 6 jastaǵy eki balanyń eresekterdiń qaraýynsyz qalǵany anyqtaldy. Belgili bolǵandai, olardyń ájesi sý alýǵa tómenge túsip ketken.
Ýaqyt joǵaltpai áreket etken ýchaskelik politsiia inspektorlary Abzal Anarbaiuly men Asylbek Kýjenov ekinshi qabattaǵy páterdiń terezesine kóterilip, ishke kirgen. Politseilerdiń jedel ári úilesimdi áreketiniń arqasynda eki búldirshin de aman-esen qutqaryldy.
Baqytymyzǵa qarai, balalar zardap shekken joq.
Bul oqiǵa kishkentai balalardy, tipti qysqa ýaqytqa da, qaraýsyz qaldyrýdyń qanshalyqty qaýipti ekenin taǵy bir eske salady. Ásirese ashyq tereze mańynda oinap júrgen búldirshinderge eresekterdiń turaqty nazary qajet.
