Búgin oblys ákimi Janseiit Túimebaev Ordabasy aýdanynyń aktivine QR Prezidenti Ákimshiligi men aýdandyq máslihattyń kelisimimen taǵaiyndalǵan jańa əkimdi tanystyrdy, dep habarlaidy "Ult aqparat" OQO ákiminiń baspasóz qyzmetine silteme jasap.
Ońtústik Qazaqstan oblysy əkiminiń ókimimen Ordabasy aýdanynyń ákimi bolyp Rashid Úsiphanuly Qaiypjanov taǵaiyndaldy.
Jańa basshyny tanystyrýda óńir basshysy laýazym iesiniń jumysyna tabys tilep, Ordabasy aýdanynyń áleýmettik-ekonomikalyq ál-aýqatyn kóterýde Elbasy tapsyrmalaryn merzimdi ári nátijeli oryndap, senim údesinen shyǵýdy tapsyrdy. Sonymen birge, aýdan ekonomikasyn damytýda investitsiia tartý, jańa jumys oryndaryn kóptep ashýdy júktedi. Óńir basshysy aýdannyń damýyna óz úlesin qosqan burynǵy ákim Almasbek Mamytbekovke alǵysyn bildirdi.
«Ordabasy aýdanynda oblysymyzdaǵy iri indýstrialdy aimaq pen kásiporyndar kóptep shoǵyrlanǵan. Onyń ústine aýdandy «Batys-Qytai, Batys – Eýropa» avtomagistrali qiyp ótedi. Temir jol qatynasy da jolǵa qoiylǵan. Osy múmkindikterdi paidalanyp, óńirdiń ekonomikalyq damý kórsetkishterin jaqsartýǵa ábden bolady. Sondai-aq aýdanda infraqurylymdyq-kommýnaldyq qajettilikter iaǵni sý, jaryq, jol máseleleri sheshilmegen eldimekender barshylyq. Jańa basshyǵa kúre joldyń boiynan servistik qyzmet nysandaryn kóptep salyp, tabysty eselep, týristik baǵyttaǵy nysandardy zamanaýi úlgide damytý júktelip otyr. Budan bólek, aýdandaǵy bilim, aýyl sharýashylyǵy salalaryn jaqsartýdy tapsyramyn» ,- dedi J. Túimebaev.
Rashid Úsiphanuly Qaiypjanov 1970 jyly 2 qańtarda týylǵan, bilimi joǵary, mamandyǵy boiynsha biliktiligi - injener-mehanik. Qazaqstan Respýblikasy Prezidenti janyndaǵy Memlekettik basqarý akademiiasynyń Memlekettik saiasatyń ulttyq mektebiniń túlegi bolyp tabylady, akademiialyq dárejesi – áleýmettik ǵylymdar magistri.
Eńbek jolyn 1986 jyly Ońtústik Qazaqstan oblysy Saryaǵash aýdanynyń Telman kolhozynda jumysshy bolyp bastaǵan.
1992-2011 jyldary «USKAX-IMEX» shaǵyn kásiporynda menedjer, «Astana» aktsionerlik qoǵamynyń avtokólik mamany retinde jumys atqarǵan, «Aqjar» óndiristik kooperativiniń múshesi bolǵan, «Eńbek» sharýa qojalyǵy tóraǵasynyń orynbasary, Ońtústik Qazaqstan oblysy Saryaǵash aýdanynyń Aqjar aýyldyq okrýginiń ákimi laýazymdaryn atqarǵan.
2011 jyldyń qańtar aiynan bastap Ońtústik Qazaqstan oblysy Saryaǵash aýdany ákiminiń orynbasary laýazymyn atqaryp keldi.
