بٷگٸن وبلىس ەكٸمٸ جانسەيٸت تٷيمەباەۆ ورداباسى اۋدانىنىڭ اكتيۆٸنە قر پرەزيدەنتٸ ەكٸمشٸلٸگٸ مەن اۋداندىق مەسليحاتتىڭ كەلٸسٸمٸمەن تاعايىندالعان جاڭا əكٸمدٸ تانىستىردى, دەپ حابارلايدى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
وڭتٷستٸك قازاقستان وبلىسى əكٸمٸنٸڭ ٶكٸمٸمەن ورداباسى اۋدانىنىڭ ەكٸمٸ بولىپ راشيد ٷسٸپحانۇلى قايىپجانوۆ تاعايىندالدى.
جاڭا باسشىنى تانىستىرۋدا ٶڭٸر باسشىسى لاۋازىم يەسٸنٸڭ جۇمىسىنا تابىس تٸلەپ, ورداباسى اۋدانىنىڭ ەلەۋمەتتٸك-ەكونوميكالىق ەل-اۋقاتىن كٶتەرۋدە ەلباسى تاپسىرمالارىن مەرزٸمدٸ ەرٸ نەتيجەلٸ ورىنداپ, سەنٸم ٷدەسٸنەن شىعۋدى تاپسىردى. سونىمەن بٸرگە, اۋدان ەكونوميكاسىن دامىتۋدا ينۆەستيتسييا تارتۋ, جاڭا جۇمىس ورىندارىن كٶپتەپ اشۋدى جٷكتەدٸ. ٶڭٸر باسشىسى اۋداننىڭ دامۋىنا ٶز ٷلەسٸن قوسقان بۇرىنعى ەكٸم الماسبەك مامىتبەكوۆكە العىسىن بٸلدٸردٸ.
«ورداباسى اۋدانىندا وبلىسىمىزداعى ٸرٸ يندۋستريالدى ايماق پەن كەسٸپورىندار كٶپتەپ شوعىرلانعان. ونىڭ ٷستٸنە اۋداندى «باتىس-قىتاي, باتىس – ەۋروپا» اۆتوماگيسترالٸ قيىپ ٶتەدٸ. تەمٸر جول قاتىناسى دا جولعا قويىلعان. وسى مٷمكٸندٸكتەردٸ پايدالانىپ, ٶڭٸردٸڭ ەكونوميكالىق دامۋ كٶرسەتكٸشتەرٸن جاقسارتۋعا ەبدەن بولادى. سونداي-اق اۋداندا ينفراقۇرىلىمدىق-كوممۋنالدىق قاجەتتٸلٸكتەر ياعني سۋ, جارىق, جول مەسەلەلەرٸ شەشٸلمەگەن ەلدٸمەكەندەر بارشىلىق. جاڭا باسشىعا كٷرە جولدىڭ بويىنان سەرۆيستٸك قىزمەت نىساندارىن كٶپتەپ سالىپ, تابىستى ەسەلەپ, تۋريستٸك باعىتتاعى نىسانداردى زاماناۋي ٷلگٸدە دامىتۋ جٷكتەلٸپ وتىر. بۇدان بٶلەك, اۋدانداعى بٸلٸم, اۋىل شارۋاشىلىعى سالالارىن جاقسارتۋدى تاپسىرامىن» ,- دەدٸ ج. تٷيمەباەۆ.
راشيد ٷسٸپحانۇلى قايىپجانوۆ 1970 جىلى 2 قاڭتاردا تۋىلعان, بٸلٸمٸ جوعارى, ماماندىعى بويىنشا بٸلٸكتٸلٸگٸ - ينجەنەر-مەحانيك. قازاقستان رەسپۋبليكاسى پرەزيدەنتٸ جانىنداعى مەملەكەتتٸك باسقارۋ اكادەميياسىنىڭ مەملەكەتتٸك ساياساتىڭ ۇلتتىق مەكتەبٸنٸڭ تٷلەگٸ بولىپ تابىلادى, اكادەمييالىق دەرەجەسٸ – ەلەۋمەتتٸك عىلىمدار ماگيسترٸ.
ەڭبەك جولىن 1986 جىلى وڭتٷستٸك قازاقستان وبلىسى سارىاعاش اۋدانىنىڭ تەلمان كولحوزىندا جۇمىسشى بولىپ باستاعان.
1992-2011 جىلدارى «USKAX-IMEX» شاعىن كەسٸپورىندا مەنەدجەر, «استانا» اكتسيونەرلٸك قوعامىنىڭ اۆتوكٶلٸك مامانى رەتٸندە جۇمىس اتقارعان, «اقجار» ٶندٸرٸستٸك كووپەراتيۆٸنٸڭ مٷشەسٸ بولعان, «ەڭبەك» شارۋا قوجالىعى تٶراعاسىنىڭ ورىنباسارى, وڭتٷستٸك قازاقستان وبلىسى سارىاعاش اۋدانىنىڭ اقجار اۋىلدىق وكرۋگٸنٸڭ ەكٸمٸ لاۋازىمدارىن اتقارعان.
2011 جىلدىڭ قاڭتار ايىنان باستاپ وڭتٷستٸك قازاقستان وبلىسى سارىاعاش اۋدانى ەكٸمٸنٸڭ ورىنباسارى لاۋازىمىن اتقارىپ كەلدٸ.
