Ońtústik Qazaqstan oblysynda ulaǵatty ustazdar marapattaldy. Otyrar aýdanynyń ákimi Erlan Aitahanov ardager ustazdar men bilim salasynyń damýyna súbeli úles qosyp júrgen bilikti muǵalimderdi qabyldap, olarmen bolashaq urpaq tárbiesi men bilim deńgeii jaiynda keńinen áńgimelesti, dep habarlaidy Ult.kz tilshisi QazAqparat agenttigine silteme jasap.
Kezdesý barysynda ulaǵatty ustazdar bilim salasynda tolǵandyryp júrgen oilaryn ortaǵa salyp, aldaǵy arman-maqsattarymen bólisti. Ótken jyldardaǵy bilim berý júiesi men tehnologiiasy damyǵan búgingi kúnniń jańa baǵdarlamalary aiasynda muǵalimderdiń oi-pikirin tyńdaǵan aýdan basshysy ustazdar qaýymynyń eń basty mindeti bilim berýde ǵana emes, sonymen birge adam boiyndaǵy barlyq jaqsy qasietterdi de qosa sińirý ekendigin atap ótti. Bilim salasy qyzmetkerlerin kásibi merekelerimen quttyqtady.
«Mektep tabaldyryǵynan tarydai bolyp kirgen balanyń tulǵa bolyp qalyptasýyna deiingi ustanymdary men bilim dárejesiniń joǵary bolýy onyń eń birinshi mektepte qalaǵan irgetasynyń myqtylyǵyna bailanysty. Al, sol irgetasynyń berik bolyp qalanýyna birden bir sebepker-ustazdar sizdersizder», - dedi Erlan Aitahanov.
Kezdesýde ustaz bedelin kóterý, bilim deńgeiin arttyrý, ustaz ben shákirt arasyndaǵy bailanysty jaqsartý, mektep qabyrǵasyndaǵy bala tárbiesi jóninde keleli áńgimeler órbidi. Áńgime barysynda muǵalimder aýdan basshysynyń ustazdar qaýymyna degen ystyq yqylasy men qurmetine rizashylyqtaryn bildirdi.
Beiresmi kezdesýde ustazdardy erkin áńgimelesýge tartqan aýdan basshysy Erlan Aitahanov ulaǵatty jandar tarapynan aitylǵan usynys-pikirler eskeriletinin aityp, muǵalimderge merekelik syi-siiapat jasady.
