وڭتٷستٸك قازاقستان وبلىسىندا ۇلاعاتتى ۇستازدار ماراپاتتالدى. وتىرار اۋدانىنىڭ ەكٸمٸ ەرلان ايتاحانوۆ ارداگەر ۇستازدار مەن بٸلٸم سالاسىنىڭ دامۋىنا سٷبەلٸ ٷلەس قوسىپ جٷرگەن بٸلٸكتٸ مۇعالٸمدەردٸ قابىلداپ, ولارمەن بولاشاق ۇرپاق تەربيەسٸ مەن بٸلٸم دەڭگەيٸ جايىندا كەڭٸنەن ەڭگٸمەلەستٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
كەزدەسۋ بارىسىندا ۇلاعاتتى ۇستازدار بٸلٸم سالاسىندا تولعاندىرىپ جٷرگەن ويلارىن ورتاعا سالىپ, الداعى ارمان-ماقساتتارىمەن بٶلٸستٸ. ٶتكەن جىلدارداعى بٸلٸم بەرۋ جٷيەسٸ مەن تەحنولوگيياسى دامىعان بٷگٸنگٸ كٷننٸڭ جاڭا باعدارلامالارى اياسىندا مۇعالٸمدەردٸڭ وي-پٸكٸرٸن تىڭداعان اۋدان باسشىسى ۇستازدار قاۋىمىنىڭ ەڭ باستى مٸندەتٸ بٸلٸم بەرۋدە عانا ەمەس, سونىمەن بٸرگە ادام بويىنداعى بارلىق جاقسى قاسيەتتەردٸ دە قوسا سٸڭٸرۋ ەكەندٸگٸن اتاپ ٶتتٸ. بٸلٸم سالاسى قىزمەتكەرلەرٸن كەسٸبي مەرەكەلەرٸمەن قۇتتىقتادى.
«مەكتەپ تابالدىرىعىنان تارىداي بولىپ كٸرگەن بالانىڭ تۇلعا بولىپ قالىپتاسۋىنا دەيٸنگٸ ۇستانىمدارى مەن بٸلٸم دەرەجەسٸنٸڭ جوعارى بولۋى ونىڭ ەڭ بٸرٸنشٸ مەكتەپتە قالاعان ٸرگەتاسىنىڭ مىقتىلىعىنا بايلانىستى. ال, سول ٸرگەتاسىنىڭ بەرٸك بولىپ قالانۋىنا بٸردەن بٸر سەبەپكەر-ۇستازدار سٸزدەرسٸزدەر», - دەدٸ ەرلان ايتاحانوۆ.
كەزدەسۋدە ۇستاز بەدەلٸن كٶتەرۋ, بٸلٸم دەڭگەيٸن ارتتىرۋ, ۇستاز بەن شەكٸرت اراسىنداعى بايلانىستى جاقسارتۋ, مەكتەپ قابىرعاسىنداعى بالا تەربيەسٸ جٶنٸندە كەلەلٸ ەڭگٸمەلەر ٶربٸدٸ. ەڭگٸمە بارىسىندا مۇعالٸمدەر اۋدان باسشىسىنىڭ ۇستازدار قاۋىمىنا دەگەن ىستىق ىقىلاسى مەن قۇرمەتٸنە ريزاشىلىقتارىن بٸلدٸردٸ.
بەيرەسمي كەزدەسۋدە ۇستازداردى ەركٸن ەڭگٸمەلەسۋگە تارتقان اۋدان باسشىسى ەرلان ايتاحانوۆ ۇلاعاتتى جاندار تاراپىنان ايتىلعان ۇسىنىس-پٸكٸرلەر ەسكەرٸلەتٸنٸن ايتىپ, مۇعالٸمدەرگە مەرەكەلٸك سىي-سيياپات جاسادى.
