Ońtústik Qazaqstan oblysynda kóp balaly analar qatary 2382 adamǵa tolyqty. Osy jyldyń segiz aiynda óńirdegi 504 ana «Altyn alqa» taqsa, 1878 áiel azamaty «Kúmis alqa» iegeri atandy, dep habarlaidy "Ult aqparat".
Kóp balaly analardyń sany jyldan-jylǵa artyp keletin Ońtústik óńirinde búgingi tańda demografiiaǵa úles qosyp júrgen analardyń sany 159729-ǵa jetip otyr. Onyń ishinde 5618 Batyr ana bolsa, 23920 ana «Altyn alqa», 34806 áiel «Kúmis alqa» iegeri. Al, 7928 ana I-II dárejeli Ana Dańqy ordeni iegeri, 87457 azamatsha 18 jasqa deiingi tórt jáne odan kóp balasy bar analardyń qataryn tolyqtyrǵan.
Kóp balaly analar qatary boiynsha kóshti bastap turǵan Shymkent qalasynyń turǵyndary. Oblys ortalyǵyndaǵy analardyń sany - 19278. Shymkentten keiingi orynda Saryaǵash pen Maqtaaral aýdandary. Saryǵashtaǵy 13306 altyn qursaqty ana bolsa, Maqtaaralda 11282 azamatsha kóp balaly retinde tirkelgen. Osylaisha, kóp balaly názik jandylar kóshin Túrkistan, Sairam, Ordabasy, Qazyǵurt, Tólebi, Shardara, Túlkibas, Arys, Báidibek, Kentaý qalasy men Otyrar, Sozaq aýdandarynyń aq jelekti, altyn qursaqty analary jalǵaidy.
Ońtústik Qazaqstan oblysynda osy jyldyń segiz aiynda 50627 sábi týylǵan. Dúnie esigin ashqan nárestelerdiń ishinde 514-i egiz bolsa, 3-ýi úshem.
Elimiz Táýelsizdigin alǵannan keiin densaýlyq saqtaý salasyn qarjylandyrýdy arttyrý esebinen jańa meditsinalyq mekemeler salyndy. Materialdyq-tehnikalyq jabdyqtaý jaqsardy. Zamanaýi qural-jabdyqtar men qondyrǵylar oblys ortalyǵynda ǵana emes, aýdandar men qalalarda ornatyldy. Osynyń nátijesinde, óńirde ana men bala ólimi azaiyp, týý kórsetkishi artyp keledi.
