وڭتٷستٸك قازاقستان وبلىسىندا كٶپ بالالى انالار قاتارى 2382 ادامعا تولىقتى. وسى جىلدىڭ سەگٸز ايىندا ٶڭٸردەگٸ 504 انا «التىن القا» تاقسا, 1878 ەيەل ازاماتى «كٷمٸس القا» يەگەرٸ اتاندى, دەپ حابارلايدى "ۇلت اقپارات".
كٶپ بالالى انالاردىڭ سانى جىلدان-جىلعا ارتىپ كەلەتٸن وڭتٷستٸك ٶڭٸرٸندە بٷگٸنگٸ تاڭدا دەموگرافيياعا ٷلەس قوسىپ جٷرگەن انالاردىڭ سانى 159729-عا جەتٸپ وتىر. ونىڭ ٸشٸندە 5618 باتىر انا بولسا, 23920 انا «التىن القا», 34806 ەيەل «كٷمٸس القا» يەگەرٸ. ال, 7928 انا ٸ-ٸٸ دەرەجەلٸ انا داڭقى وردەنٸ يەگەرٸ, 87457 ازاماتشا 18 جاسقا دەيٸنگٸ تٶرت جەنە ودان كٶپ بالاسى بار انالاردىڭ قاتارىن تولىقتىرعان.
كٶپ بالالى انالار قاتارى بويىنشا كٶشتٸ باستاپ تۇرعان شىمكەنت قالاسىنىڭ تۇرعىندارى. وبلىس ورتالىعىنداعى انالاردىڭ سانى - 19278. شىمكەنتتەن كەيٸنگٸ ورىندا سارىاعاش پەن ماقتاارال اۋداندارى. سارىعاشتاعى 13306 التىن قۇرساقتى انا بولسا, ماقتاارالدا 11282 ازاماتشا كٶپ بالالى رەتٸندە تٸركەلگەن. وسىلايشا, كٶپ بالالى نەزٸك جاندىلار كٶشٸن تٷركٸستان, سايرام, ورداباسى, قازىعۇرت, تٶلەبي, شاردارا, تٷلكٸباس, ارىس, بەيدٸبەك, كەنتاۋ قالاسى مەن وتىرار, سوزاق اۋداندارىنىڭ اق جەلەكتٸ, التىن قۇرساقتى انالارى جالعايدى.
وڭتٷستٸك قازاقستان وبلىسىندا وسى جىلدىڭ سەگٸز ايىندا 50627 سەبي تۋىلعان. دٷنيە ەسٸگٸن اشقان نەرەستەلەردٸڭ ٸشٸندە 514-ٸ ەگٸز بولسا, 3-ۋٸ ٷشەم.
ەلٸمٸز تەۋەلسٸزدٸگٸن العاننان كەيٸن دەنساۋلىق ساقتاۋ سالاسىن قارجىلاندىرۋدى ارتتىرۋ ەسەبٸنەن جاڭا مەديتسينالىق مەكەمەلەر سالىندى. ماتەريالدىق-تەحنيكالىق جابدىقتاۋ جاقساردى. زاماناۋي قۇرال-جابدىقتار مەن قوندىرعىلار وبلىس ورتالىعىندا عانا ەمەس, اۋداندار مەن قالالاردا ورناتىلدى. وسىنىڭ نەتيجەسٸندە, ٶڭٸردە انا مەن بالا ٶلٸمٸ ازايىپ, تۋۋ كٶرسەتكٸشٸ ارتىپ كەلەدٸ.
