Búgin Ońtústik Qazaqstan oblysynda «Qys-2017» respýblikalyq komandalyq-shtabtyq oqý-jattyǵýy ótti, dep habarlaidy "Ult aqparat".
Sharaǵa oblystyq ishki ister jáne tótenshe jaǵdailar departamentteri, oblystyń, qalalar men aýdandardyń azamattyq qorǵaý qyzmetteri, tótenshe jaǵdai komissiiasy, óńirdegi dislokatsiialanǵan Qorǵanys ministrliginiń bólimderi qatysty.
Oblys ákimdigi aldyndaǵy alańda ótkizilgen shara barysynda jol qyzmetiniń tehnikalary men tótenshe jaǵdailar departamentine qarasty jeke quramnyń is-qimyl kórsetilimi uiymdastyryldy. «Jiyn» dabyly boiynsha jinalǵan jeke quram men tehnikalary tolyq daiyndyqqa keltirildi. Sharanyń ashylýyna qatysqan oblys ákimi Janseiit Túimebaev azamattyq qorǵaý qyzmetteri men qurlymdarynyń qys mezgilinde oryn alatyn tótenshe jaǵdailarǵa ázirligin tekserdi.
«Qys jaqyndap keledi. Sondyqtan qys mezgilinde oryn alýy yqtimal barlyq keleńsiz jaǵdailardyń aldyn alý sharalaryn kúsheitýimiz qajet. Bul rette negizgi kúsh Oblystyq tótenshe jaǵdailar departamentine artylady. Desek te, bul iske basqa qurylymdyq kúshter de bir kisidei atsalysýy kerek», - dedi Janseiit Qanseiituly.
Oqý-jattyǵý stsenarii boiynsha oblys aýmaǵynda kúrdeli meteorologiialyq jaǵdai týyndap, aýa temperatýrasy 15 gradýstan tómendep ketedi. Qarǵa ulasqan jaýyn-shashyn nátijesinde Sairamsý ózeni tasyp, avtokólik joldarynyń kei jerleri muzǵa oranady. Jol-kólik oqiǵasy oryn alyp, adamdar sýǵa qulap ketti. Sondai-aq, temirjolda janar-jaǵarmai tasymaldaityn vagondar relsten shyǵyp ketip, órt paida bolady. Búgingi daiyndyq sharasynyń negizgi maqsaty - oryn alǵan keleńsizdikti tez arada joiý. Ol úshin «Saýran» demalys aimaǵynda «Qysqy kezeń jaǵdaiynda tótenshe jaǵdailardy joiý» taqyrybynda arnaiy-taktikalyq oqý-jattyǵý ótkiziledi dep kútilýde.
Aita keteiik, qazirdiń ózinde oblysta qys mezgilindegi qozǵalys qaýipsizdigin qamtamasyz etý úshin 11 myń tonna tuz ben 10 myń tonna qum ázirlengen.
