بٷگٸن وڭتٷستٸك قازاقستان وبلىسىندا «قىس-2017» رەسپۋبليكالىق كوماندالىق-شتابتىق وقۋ-جاتتىعۋى ٶتتٸ, دەپ حابارلايدى "ۇلت اقپارات".
شاراعا وبلىستىق ٸشكٸ ٸستەر جەنە تٶتەنشە جاعدايلار دەپارتامەنتتەرٸ, وبلىستىڭ, قالالار مەن اۋدانداردىڭ ازاماتتىق قورعاۋ قىزمەتتەرٸ, تٶتەنشە جاعداي كوميسسيياسى, ٶڭٸردەگٸ ديسلوكاتسييالانعان قورعانىس مينيسترلٸگٸنٸڭ بٶلٸمدەرٸ قاتىستى.
وبلىس ەكٸمدٸگٸ الدىنداعى الاڭدا ٶتكٸزٸلگەن شارا بارىسىندا جول قىزمەتٸنٸڭ تەحنيكالارى مەن تٶتەنشە جاعدايلار دەپارتامەنتٸنە قاراستى جەكە قۇرامنىڭ ٸس-قيمىل كٶرسەتٸلٸمٸ ۇيىمداستىرىلدى. «جيىن» دابىلى بويىنشا جينالعان جەكە قۇرام مەن تەحنيكالارى تولىق دايىندىققا كەلتٸرٸلدٸ. شارانىڭ اشىلۋىنا قاتىسقان وبلىس ەكٸمٸ جانسەيٸت تٷيمەباەۆ ازاماتتىق قورعاۋ قىزمەتتەرٸ مەن قۇرلىمدارىنىڭ قىس مەزگٸلٸندە ورىن الاتىن تٶتەنشە جاعدايلارعا ەزٸرلٸگٸن تەكسەردٸ.
«قىس جاقىنداپ كەلەدٸ. سوندىقتان قىس مەزگٸلٸندە ورىن الۋى ىقتيمال بارلىق كەلەڭسٸز جاعدايلاردىڭ الدىن الۋ شارالارىن كٷشەيتۋٸمٸز قاجەت. بۇل رەتتە نەگٸزگٸ كٷش وبلىستىق تٶتەنشە جاعدايلار دەپارتامەنتٸنە ارتىلادى. دەسەك تە, بۇل ٸسكە باسقا قۇرىلىمدىق كٷشتەر دە بٸر كٸسٸدەي اتسالىسۋى كەرەك», - دەدٸ جانسەيٸت قانسەيٸتۇلى.
وقۋ-جاتتىعۋ ستسەناريٸ بويىنشا وبلىس اۋماعىندا كٷردەلٸ مەتەورولوگييالىق جاعداي تۋىنداپ, اۋا تەمپەراتۋراسى 15 گرادۋستان تٶمەندەپ كەتەدٸ. قارعا ۇلاسقان جاۋىن-شاشىن نەتيجەسٸندە سايرامسۋ ٶزەنٸ تاسىپ, اۆتوكٶلٸك جولدارىنىڭ كەي جەرلەرٸ مۇزعا ورانادى. جول-كٶلٸك وقيعاسى ورىن الىپ, ادامدار سۋعا قۇلاپ كەتتٸ. سونداي-اق, تەمٸرجولدا جانار-جاعارماي تاسىمالدايتىن ۆاگوندار رەلستەن شىعىپ كەتٸپ, ٶرت پايدا بولادى. بٷگٸنگٸ دايىندىق شاراسىنىڭ نەگٸزگٸ ماقساتى - ورىن العان كەلەڭسٸزدٸكتٸ تەز ارادا جويۋ. ول ٷشٸن «ساۋران» دەمالىس ايماعىندا «قىسقى كەزەڭ جاعدايىندا تٶتەنشە جاعدايلاردى جويۋ» تاقىرىبىندا ارنايى-تاكتيكالىق وقۋ-جاتتىعۋ ٶتكٸزٸلەدٸ دەپ كٷتٸلۋدە.
ايتا كەتەيٸك, قازٸردٸڭ ٶزٸندە وبلىستا قىس مەزگٸلٸندەگٸ قوزعالىس قاۋٸپسٸزدٸگٸن قامتاماسىز ەتۋ ٷشٸن 11 مىڭ توننا تۇز بەن 10 مىڭ توننا قۇم ەزٸرلەنگەن.
