Búgin Qazaqstan halqy Assambleiasy men Ońtústik Qazaqstan oblysy ákimdiginiń uiymdastyrýymen Shymkent qalasyndaǵy «Qazaqstan halqy Assambleiasy» ǵimaratynda «Qoǵamdy jańǵyrtýdaǵy mediatsiianyń róli» taqyrybynda respýblikalyq dispýt-forým ótti, dep habarlaidy aimaq basshysynyń baspasóz qyzmeti.
Jiynǵa qatysqan OQO ákimi Janseiit Túimebaev forýmnyń halyqaralyq formatta ulttyq qundylyqtardyń qainary bolǵan Ońtústik Qazaqstan oblysynda ótkizilip otyrǵandyǵyn úlken jetistikke balady.
«Memleket basshysy Nursultan Ábishuly Nazarbaev «Bolashaqqa baǵdar: rýhani jańǵyrý» atty baǵdarlamalyq maqalasynda kóneniń kózindei bolǵan ulttyq qundylyqtardy zaman aǵymyna sai qaita túletýdi mindettegen edi. Mediatsiia baiaǵy «Jeti jarǵynyń» búgingi jalǵasy retinde halyqtyń baiyrǵy mámilegershilik dástúrin jalǵastyryp otyr. Ol sondai-aq, daýlasýshy taraptardy ózara kelisimge keltirip, ortaq paiym jasaýǵa jeteleidi», - dedi Janseiit Qanseiituly.
Respýblikalyq forýmǵa QR Prezidenti ákimshiligi QHA hatshylyǵynyń meńgerýshisi Darhan Myńbai, QR «Atameken» Ulttyq kásipkerler palatasynyń Basqarma tóraǵasy Abylai Myrzahmetov, QR Parlamenti Májilisiniń depýtattary, QR Joǵarǵy Sotynyń sýdialary, QR Bas prokýratýrasynyń, QR Bilim jáne ǵylym ministrliginiń, QR Prezidenti janyndaǵy «Qoǵamdyq kelisim» RMM-niń ókilderi, QHA janyndaǵy Mediatsiia keńesiniń músheleri, barlyq oblystardaǵy mediatsiia ortalyqtarynyń jetekshileri men «Qoǵamdyq kelisim» KMM-niń janyndaǵy mediatsiia kabinetteri meńgerýshileri qatysty.
Is-shara Memleket basshysynyń «Bolashaqqa baǵdar: rýhani jańǵyrý» baǵdarlamalyq maqalasyndaǵy ulttyq birgeilikti saqtaýdy, 2011 jyly qabyldanǵan QR «Mediatsiia týraly» Zańynyń oryndalýyn saralap, aldaǵy mindetterdi belgileýdi, bitimgershilikke negizdelgen halqymyzdyń dástúrli biler taǵylymymen sabaqtasyp jatqan búgingi mediatsiia jelisin damytýdy, qoǵamdyq kelisim men jalpyulttyq birlik salasyndaǵy memlekettik saiasatty paiymdy parasattylyqpen iske asyrýdy kózdeidi.
Forýmda Qazaqstan halqy Assambleiasy tóraǵasynyń orynbasary Darhan Myńbai baiandama jasady. Sondai aq, QR Parlamenti Májilisiniń depýtaty B.Ábdiraiymnyń, QR Sýdialar Odaǵynyń tóraǵasy E.Alimbekovtyń, QR Bas prokýrorynyń aǵa kómekshisi M.Tursynbekovanyń jáne Shyǵys Qazaqstan oblystyq «Qoǵamdyq kelisim» KMM basshysy E.Tóleýbekovtyń, Ońtústik Qazaqstan oblystyq «Qoǵamdyq kelisim» KMM basshysy E.Baiqonaqovtyń, Mańǵystaý oblystyq «Qoǵamdyq kelisim» KMM basshysy S.Satalievanyń, Sairam aýdanyndaǵy kásibi emes mediator S.Iýsanovtyń habarlamalary tyńdaldy.
Forým aiasynda QHA janyndaǵy Mediatsiia keńesi men Ońtústik Qazaqstan oblysy ákimdiginiń, QHA janyndaǵy Mediatsiia keńesi men «Atameken» Ulttyq kásipkerler palatasynyń ózara yntymaqtastyq týraly memorandýmǵa qol qoiyldy.
Aita keterligi, Elbasy Qazaqstan halqy Assambleiasynyń XXIV sessiiasynda mediatsiia jelisin damytýdy assambleiaǵa júktegen bolatyn. Bul baǵytta QHA janynda Mediatsiia keńesi qurylyp, óńirlerdegi Dostyq úilerinde 17 mediatsiia kabinetteri ashyldy. Elimizde qyzmet etetin 640 kásibi, 3583 kásibi emes mediatorlardyń derekqory jasaldy. QHA men QR Joǵarǵy Sotynyń arasynda túzilgen ózara yntymaqtastyq týraly memorandým aiasynda 2017 jyly arnaiy pilottyq joba qolǵa alynyp, nátijesinde jyl basynan beri 13974 is mediatsiia tártibimen sheshildi.
Al, Ońtústik Qazaqstan oblystyq «Qoǵamdyq kelisim» mekemesinde ashylǵan mediatsiia kabinetinde 600-ge jýyq azamatqa quqyqtyq kómek kórsetildi. Oblystaǵy 4 mediatsiia ortalyǵymen áriptestik bailanys ornatyp, óńirde qyzmet atqaratyn 44 kásibi, 546 kásibi emes mediatorlardyń derekqory túzildi. Óńirdegi mediatorlardyń yqpalymen byltyrǵy jyly 4 myńnan astam is boiynsha taraptar ortaq mámilege kelse, biylǵy jyldyń 8 aiynda 3207 is sotqa deiingi tártippen sheshildi.
