بٷگٸن قازاقستان حالقى اسسامبلەياسى مەن وڭتٷستٸك قازاقستان وبلىسى ەكٸمدٸگٸنٸڭ ۇيىمداستىرۋىمەن شىمكەنت قالاسىنداعى «قازاقستان حالقى اسسامبلەياسى» عيماراتىندا «قوعامدى جاڭعىرتۋداعى مەدياتسييانىڭ رٶلٸ» تاقىرىبىندا رەسپۋبليكالىق ديسپۋت-فورۋم ٶتتٸ, دەپ حابارلايدى ايماق باسشىسىنىڭ باسپاسٶز قىزمەتٸ.
جيىنعا قاتىسقان وقو ەكٸمٸ جانسەيٸت تٷيمەباەۆ فورۋمنىڭ حالىقارالىق فورماتتا ۇلتتىق قۇندىلىقتاردىڭ قاينارى بولعان وڭتٷستٸك قازاقستان وبلىسىندا ٶتكٸزٸلٸپ وتىرعاندىعىن ٷلكەن جەتٸستٸككە بالادى.
«مەملەكەت باسشىسى نۇرسۇلتان ەبٸشۇلى نازارباەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كٶنەنٸڭ كٶزٸندەي بولعان ۇلتتىق قۇندىلىقتاردى زامان اعىمىنا ساي قايتا تٷلەتۋدٸ مٸندەتتەگەن ەدٸ. مەدياتسييا باياعى «جەتٸ جارعىنىڭ» بٷگٸنگٸ جالعاسى رەتٸندە حالىقتىڭ بايىرعى مەمٸلەگەرشٸلٸك دەستٷرٸن جالعاستىرىپ وتىر. ول سونداي-اق, داۋلاسۋشى تاراپتاردى ٶزارا كەلٸسٸمگە كەلتٸرٸپ, ورتاق پايىم جاساۋعا جەتەلەيدٸ», - دەدٸ جانسەيٸت قانسەيٸتۇلى.
رەسپۋبليكالىق فورۋمعا قر پرەزيدەنتٸ ەكٸمشٸلٸگٸ قحا حاتشىلىعىنىڭ مەڭگەرۋشٸسٸ دارحان مىڭباي, قر «اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ, قر پارلامەنتٸ مەجٸلٸسٸنٸڭ دەپۋتاتتارى, قر جوعارعى سوتىنىڭ سۋديالارى, قر باس پروكۋراتۋراسىنىڭ, قر بٸلٸم جەنە عىلىم مينيسترلٸگٸنٸڭ, قر پرەزيدەنتٸ جانىنداعى «قوعامدىق كەلٸسٸم» رمم-نٸڭ ٶكٸلدەرٸ, قحا جانىنداعى مەدياتسييا كەڭەسٸنٸڭ مٷشەلەرٸ, بارلىق وبلىستارداعى مەدياتسييا ورتالىقتارىنىڭ جەتەكشٸلەرٸ مەن «قوعامدىق كەلٸسٸم» كمم-نٸڭ جانىنداعى مەدياتسييا كابينەتتەرٸ مەڭگەرۋشٸلەرٸ قاتىستى.
ٸس-شارا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى ۇلتتىق بٸرگەيلٸكتٸ ساقتاۋدى, 2011 جىلى قابىلدانعان قر «مەدياتسييا تۋرالى» زاڭىنىڭ ورىندالۋىن سارالاپ, الداعى مٸندەتتەردٸ بەلگٸلەۋدٸ, بٸتٸمگەرشٸلٸككە نەگٸزدەلگەن حالقىمىزدىڭ دەستٷرلٸ بيلەر تاعىلىمىمەن ساباقتاسىپ جاتقان بٷگٸنگٸ مەدياتسييا جەلٸسٸن دامىتۋدى, قوعامدىق كەلٸسٸم مەن جالپىۇلتتىق بٸرلٸك سالاسىنداعى مەملەكەتتٸك ساياساتتى پايىمدى پاراساتتىلىقپەن ٸسكە اسىرۋدى كٶزدەيدٸ.
فورۋمدا قازاقستان حالقى اسسامبلەياسى تٶراعاسىنىڭ ورىنباسارى دارحان مىڭباي بايانداما جاسادى. سونداي اق, قر پارلامەنتٸ مەجٸلٸسٸنٸڭ دەپۋتاتى ب.ەبدٸرايىمنىڭ, قر سۋديالار وداعىنىڭ تٶراعاسى ە.اليمبەكوۆتىڭ, قر باس پروكۋرورىنىڭ اعا كٶمەكشٸسٸ م.تۇرسىنبەكوۆانىڭ جەنە شىعىس قازاقستان وبلىستىق «قوعامدىق كەلٸسٸم» كمم باسشىسى ە.تٶلەۋبەكوۆتىڭ, وڭتٷستٸك قازاقستان وبلىستىق «قوعامدىق كەلٸسٸم» كمم باسشىسى ە.بايقوناقوۆتىڭ, ماڭعىستاۋ وبلىستىق «قوعامدىق كەلٸسٸم» كمم باسشىسى س.ساتاليەۆانىڭ, سايرام اۋدانىنداعى كەسٸبي ەمەس مەدياتور س.يۋسانوۆتىڭ حابارلامالارى تىڭدالدى.
فورۋم اياسىندا قحا جانىنداعى مەدياتسييا كەڭەسٸ مەن وڭتٷستٸك قازاقستان وبلىسى ەكٸمدٸگٸنٸڭ, قحا جانىنداعى مەدياتسييا كەڭەسٸ مەن «اتامەكەن» ۇلتتىق كەسٸپكەرلەر پالاتاسىنىڭ ٶزارا ىنتىماقتاستىق تۋرالى مەموراندۋمعا قول قويىلدى.
ايتا كەتەرلٸگٸ, ەلباسى قازاقستان حالقى اسسامبلەياسىنىڭ XXIV سەسسيياسىندا مەدياتسييا جەلٸسٸن دامىتۋدى اسسامبلەياعا جٷكتەگەن بولاتىن. بۇل باعىتتا قحا جانىندا مەدياتسييا كەڭەسٸ قۇرىلىپ, ٶڭٸرلەردەگٸ دوستىق ٷيلەرٸندە 17 مەدياتسييا كابينەتتەرٸ اشىلدى. ەلٸمٸزدە قىزمەت ەتەتٸن 640 كەسٸبي, 3583 كەسٸبي ەمەس مەدياتورلاردىڭ دەرەكقورى جاسالدى. قحا مەن قر جوعارعى سوتىنىڭ اراسىندا تٷزٸلگەن ٶزارا ىنتىماقتاستىق تۋرالى مەموراندۋم اياسىندا 2017 جىلى ارنايى پيلوتتىق جوبا قولعا الىنىپ, نەتيجەسٸندە جىل باسىنان بەرٸ 13974 ٸس مەدياتسييا تەرتٸبٸمەن شەشٸلدٸ.
ال, وڭتٷستٸك قازاقستان وبلىستىق «قوعامدىق كەلٸسٸم» مەكەمەسٸندە اشىلعان مەدياتسييا كابينەتٸندە 600-گە جۋىق ازاماتقا قۇقىقتىق كٶمەك كٶرسەتٸلدٸ. وبلىستاعى 4 مەدياتسييا ورتالىعىمەن ەرٸپتەستٸك بايلانىس ورناتىپ, ٶڭٸردە قىزمەت اتقاراتىن 44 كەسٸبي, 546 كەسٸبي ەمەس مەدياتورلاردىڭ دەرەكقورى تٷزٸلدٸ. ٶڭٸردەگٸ مەدياتورلاردىڭ ىقپالىمەن بىلتىرعى جىلى 4 مىڭنان استام ٸس بويىنشا تاراپتار ورتاق مەمٸلەگە كەلسە, بيىلعى جىلدىڭ 8 ايىندا 3207 ٸس سوتقا دەيٸنگٸ تەرتٸپپەن شەشٸلدٸ.
