Ońtústik Qazaqstan oblysy, Otyrar aýdanynda 1 qazan - Halyqaralyq qarttar kúnine orai merekelik is-shara bolyp ótti. Aýdan ónerpazdarynyń sahnalyq kórinisimen bastalǵan sharada aýdan ákimi Erlan Aitahanov qazynaly qarttardy tól merekelerimen quttyqtady, dep habarlaidy QazAqparat tilshisi.
Elbasy Nursultan Nazarbaevtyń «Bolashaqqa baǵdar: rýhani jańǵyrý» atty maqalasynda úlkendi syilaý, olarǵa qurmet kórsetý, ata-babamyz ustanǵan dástúrlerdi odan ári jalǵastyrý búgingi urpaqtyń basty mindeti ekendigin aitylǵan. Otyrar aýdanynda ótken igi shara qazynaly qarttardy qurmettep qana qoimai, olardyń ónegeli isterin keiingi urpaqqa nasihattaý maqsatynda uiymdastyryldy.
«Biz úshin ortamyzda júrgen qariialarymyzdyń kezinde eli, halqy, keleshek urpaǵy úshin jasaǵan igi isteri umytylmas tarih, baǵa jetpes úlgi-ónege. Qazirgi kezde bizdiń memleketimizde qarttarǵa úlken mán berip, kóńil aýdaryp, jan-jaqty úkimet tarapynan qamqorlyq jasalýda. Qazaqstannyń ósip-órkendeýine, elimizdiń beibitshilik tynysh ómir keshýine óz úlesterin qosqan osy ardaqty da aiaýly qarttarymyzdyń arqasy dep esepteimiz», - dedi aýdan ákimi Erlan Aitahanov.
Shara barysynda aýdandyq máslihattyń hatshysy Myrzahan Manapov pen aýdandyq ardagerler keńesiniń tóraǵasy Myrzabai Óksikbaev jáne ardager ustaz Gúlzeinet Álmeshovalar sóz alyp, merekege orai ózderiniń jyly lebizderin bildirdi. Merekelik sharada qariialar men ardagerlerge aýdan ákimi arnaiy quttyqtaý hattar men zattai syi-syiapattar tartý etti. Merekege orai arnaiy dastarhan jaiyp, qurmet kórsetken aýdan ákimdigine Soǵys jáne Eńbek ardageri Sábit Turǵanbai qariia óziniń aq batasyn berdi. El aǵalary aýdan qariialary atynan alǵystaryn aitty.
