وڭتٷستٸك قازاقستان وبلىسى, وتىرار اۋدانىندا 1 قازان - حالىقارالىق قارتتار كٷنٸنە وراي مەرەكەلٸك ٸس-شارا بولىپ ٶتتٸ. اۋدان ٶنەرپازدارىنىڭ ساحنالىق كٶرٸنٸسٸمەن باستالعان شارادا اۋدان ەكٸمٸ ەرلان ايتاحانوۆ قازىنالى قارتتاردى تٶل مەرەكەلەرٸمەن قۇتتىقتادى, دەپ حابارلايدى قازاقپارات تٸلشٸسٸ.
ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ٷلكەندٸ سىيلاۋ, ولارعا قۇرمەت كٶرسەتۋ, اتا-بابامىز ۇستانعان دەستٷرلەردٸ ودان ەرٸ جالعاستىرۋ بٷگٸنگٸ ۇرپاقتىڭ باستى مٸندەتٸ ەكەندٸگٸن ايتىلعان. وتىرار اۋدانىندا ٶتكەن يگٸ شارا قازىنالى قارتتاردى قۇرمەتتەپ قانا قويماي, ولاردىڭ ٶنەگەلٸ ٸستەرٸن كەيٸنگٸ ۇرپاققا ناسيحاتتاۋ ماقساتىندا ۇيىمداستىرىلدى.
«بٸز ٷشٸن ورتامىزدا جٷرگەن قارييالارىمىزدىڭ كەزٸندە ەلٸ, حالقى, كەلەشەك ۇرپاعى ٷشٸن جاساعان يگٸ ٸستەرٸ ۇمىتىلماس تاريح, باعا جەتپەس ٷلگٸ-ٶنەگە. قازٸرگٸ كەزدە بٸزدٸڭ مەملەكەتٸمٸزدە قارتتارعا ٷلكەن مەن بەرٸپ, كٶڭٸل اۋدارىپ, جان-جاقتى ٷكٸمەت تاراپىنان قامقورلىق جاسالۋدا. قازاقستاننىڭ ٶسٸپ-ٶركەندەۋٸنە, ەلٸمٸزدٸڭ بەيبٸتشٸلٸك تىنىش ٶمٸر كەشۋٸنە ٶز ٷلەستەرٸن قوسقان وسى ارداقتى دا اياۋلى قارتتارىمىزدىڭ ارقاسى دەپ ەسەپتەيمٸز», - دەدٸ اۋدان ەكٸمٸ ەرلان ايتاحانوۆ.
شارا بارىسىندا اۋداندىق مەسليحاتتىڭ حاتشىسى مىرزاحان ماناپوۆ پەن اۋداندىق ارداگەرلەر كەڭەسٸنٸڭ تٶراعاسى مىرزاباي ٶكسٸكباەۆ جەنە ارداگەر ۇستاز گٷلزەينەت ەلمەشوۆالار سٶز الىپ, مەرەكەگە وراي ٶزدەرٸنٸڭ جىلى لەبٸزدەرٸن بٸلدٸردٸ. مەرەكەلٸك شارادا قارييالار مەن ارداگەرلەرگە اۋدان ەكٸمٸ ارنايى قۇتتىقتاۋ حاتتار مەن زاتتاي سىي-سىياپاتتار تارتۋ ەتتٸ. مەرەكەگە وراي ارنايى داستارحان جايىپ, قۇرمەت كٶرسەتكەن اۋدان ەكٸمدٸگٸنە سوعىس جەنە ەڭبەك ارداگەرٸ سەبيت تۇرعانباي قارييا ٶزٸنٸڭ اق باتاسىن بەردٸ. ەل اعالارى اۋدان قارييالارى اتىنان العىستارىن ايتتى.
