Shymkent qalasynda oblystyq densaýlyq saqtaý basqaramasynyń uiymdastyrýymen «Bizdiń densaýlyǵymyz - óz qolymyzda!» atty «Densaýlyq festivali - 2017» keń aýqymdy aktsiiasy ótti.
Oblys ákimi baspasóz qyzmetiniń habarlaýynsha, sharaǵa qala turǵyndary, bilim, densaýlyq saqtaý salalarynyń qyzmetkerleri, mektep oqýshylary men stýdent jastar qatysty.
Aktsiianyń ashylý saltanatynda sóz alǵan Ońtústik Qazaqstan oblysynyń ákimi Janseiit Túimebaev sharanyń salaýatty ómir saltyn qalyptastyrýdaǵy mańyzdylyǵyn atap ótti.
«Elimizdiń uzaq merzimdi «Qazaqstan-2050» damý strategiiasynyń eń mańyzdy basymdylyqtarynyń biri densaýlyq, bilim alý men Qazaqstan azamattarynyń ál-aýqatyn arttyryp, salaýatty ómir salty mádenietin qalyptastyrý bolyp tabylady. Osy oraida búgingi festivaldiń bereri mol. Aktsiianyń maqsaty - jurtshylyqty salaýatty ómir saltyn ustanýǵa shaqyryp, qoǵamnyń, buqara halyqtyń nazaryn aýdarý», - dedi Janseiit Qanseiituly.
Aita keteiik, «Densaýlyq festivali» 1999 jyldan bastap jyl saiyn qyrkúiek aiynda respýblikanyń barlyq óńirlerinde ótkiziledi. Biylǵy jyly aktsiia salaýatty ómir saltyn qalyptastyrý qyzmetiniń 20 jyldyǵy men «EKSPO-2017» halyqaralyq kórmesi aiasynda uiymdastyrylyp otyr.
Aktsiia «Júrý ziian emes, júrmeý ziian» uranymen jaiaý júrý marafonynan bastaldy. Sharaǵa meditsina uiymdarynyń qyzmetkerleri men stýdent jastar qatysyp, Jeltoqsan kóshesi men D.Qonaev dańǵylynyń qiylysynan ál-Farabi alańyna deiin jaiaý júrip ótti.
Munan soń aktsiiaǵa qatysýshylar «Meniń denim saý bolsa, elim saý» fleshmoby men «Salaýatty rýh» atty sporttyq kórinisterin tamashalady. Sonymen qatar, mektep oqýshylarynyń qatysýymen «Paidaly taǵamdar», «Kúz syiy» atty kórmeleri aiasynda ónimderdiń paidaly qasietterin dáripteitin sheberlik sabaqtary uiymdastyryldy.
Budan bólek, arnaiy qurylǵan «Densaýlyq qalashyǵynda» qala turǵyndary men qonaqtary meditsinalyq joldamasyz-aq dárigerlerge qaralyp, túrli diagnostikalyq tekserýlerden ótip, tegin jedel-analizder tapsyrýǵa múmkindik aldy. Is-shara sońy kóterińki kóńil-kúi syilaityn túrli mádeni-sporttyq baǵdarlamalarǵa ulasty.
