شىمكەنت قالاسىندا وبلىستىق دەنساۋلىق ساقتاۋ باسقاراماسىنىڭ ۇيىمداستىرۋىمەن «بٸزدٸڭ دەنساۋلىعىمىز - ٶز قولىمىزدا!» اتتى «دەنساۋلىق فەستيۆالٸ - 2017» كەڭ اۋقىمدى اكتسيياسى ٶتتٸ.
وبلىس ەكٸمٸ باسپاسٶز قىزمەتٸنٸڭ حابارلاۋىنشا, شاراعا قالا تۇرعىندارى, بٸلٸم, دەنساۋلىق ساقتاۋ سالالارىنىڭ قىزمەتكەرلەرٸ, مەكتەپ وقۋشىلارى مەن ستۋدەنت جاستار قاتىستى.
اكتسييانىڭ اشىلۋ سالتاناتىندا سٶز العان وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ شارانىڭ سالاۋاتتى ٶمٸر سالتىن قالىپتاستىرۋداعى ماڭىزدىلىعىن اتاپ ٶتتٸ.
«ەلٸمٸزدٸڭ ۇزاق مەرزٸمدٸ «قازاقستان-2050» دامۋ ستراتەگيياسىنىڭ ەڭ ماڭىزدى باسىمدىلىقتارىنىڭ بٸرٸ دەنساۋلىق, بٸلٸم الۋ مەن قازاقستان ازاماتتارىنىڭ ەل-اۋقاتىن ارتتىرىپ, سالاۋاتتى ٶمٸر سالتى مەدەنيەتٸن قالىپتاستىرۋ بولىپ تابىلادى. وسى ورايدا بٷگٸنگٸ فەستيۆالدٸڭ بەرەرٸ مول. اكتسييانىڭ ماقساتى - جۇرتشىلىقتى سالاۋاتتى ٶمٸر سالتىن ۇستانۋعا شاقىرىپ, قوعامنىڭ, بۇقارا حالىقتىڭ نازارىن اۋدارۋ», - دەدٸ جانسەيٸت قانسەيٸتۇلى.
ايتا كەتەيٸك, «دەنساۋلىق فەستيۆالٸ» 1999 جىلدان باستاپ جىل سايىن قىركٷيەك ايىندا رەسپۋبليكانىڭ بارلىق ٶڭٸرلەرٸندە ٶتكٸزٸلەدٸ. بيىلعى جىلى اكتسييا سالاۋاتتى ٶمٸر سالتىن قالىپتاستىرۋ قىزمەتٸنٸڭ 20 جىلدىعى مەن «ەكسپو-2017» حالىقارالىق كٶرمەسٸ اياسىندا ۇيىمداستىرىلىپ وتىر.
اكتسييا «جٷرۋ زييان ەمەس, جٷرمەۋ زييان» ۇرانىمەن جاياۋ جٷرۋ مارافونىنان باستالدى. شاراعا مەديتسينا ۇيىمدارىنىڭ قىزمەتكەرلەرٸ مەن ستۋدەنت جاستار قاتىسىپ, جەلتوقسان كٶشەسٸ مەن د.قوناەۆ داڭعىلىنىڭ قيىلىسىنان ەل-فارابي الاڭىنا دەيٸن جاياۋ جٷرٸپ ٶتتٸ.
مۇنان سوڭ اكتسيياعا قاتىسۋشىلار «مەنٸڭ دەنٸم ساۋ بولسا, ەلٸم ساۋ» فلەشموبى مەن «سالاۋاتتى رۋح» اتتى سپورتتىق كٶرٸنٸستەرٸن تاماشالادى. سونىمەن قاتار, مەكتەپ وقۋشىلارىنىڭ قاتىسۋىمەن «پايدالى تاعامدار», «كٷز سىيى» اتتى كٶرمەلەرٸ اياسىندا ٶنٸمدەردٸڭ پايدالى قاسيەتتەرٸن دەرٸپتەيتٸن شەبەرلٸك ساباقتارى ۇيىمداستىرىلدى.
بۇدان بٶلەك, ارنايى قۇرىلعان «دەنساۋلىق قالاشىعىندا» قالا تۇرعىندارى مەن قوناقتارى مەديتسينالىق جولداماسىز-اق دەرٸگەرلەرگە قارالىپ, تٷرلٸ دياگنوستيكالىق تەكسەرۋلەردەن ٶتٸپ, تەگٸن جەدەل-اناليزدەر تاپسىرۋعا مٷمكٸندٸك الدى. ٸس-شارا سوڭى كٶتەرٸڭكٸ كٶڭٸل-كٷي سىيلايتىن تٷرلٸ مەدەني-سپورتتىق باعدارلامالارعا ۇلاستى.
