Májilis tóraǵasy Nurlan Nyǵmatýlin Palatanyń jalpy otyrysynda Memleket basshysynyń biylǵy parlamenttik sessiianyń ashylýynda júktegen tapsyrmalaryn oryndaýǵa baǵyttalǵan zańnamalyq normalarǵa nazar aýdardy, dep habarlaidy "Ult aqparat".
Atap aitqanda, halyqtyń zeinetaqy jinaqtarynyń bir bóligin paidalaný, sondai-aq qoǵamdyq keńesterdiń rólin kúsheitý.
Osyǵan orai, Májilis depýtattary ekonomikalyq ósýdi qalpyna keltirý, sondai-aq qoǵamdyq keńesterdiń qyzmetine qatysty túzetýlerdi qamtityn zań jobalaryn birinshi oqylymda maquldady.
Otyrys barysynda Májilis tóraǵasy qoǵamda qyzý talqylanǵan zeinetaqy jinaqtarynyń bir bóligin paidalanýǵa múmkindik berýge baǵyttalǵan normalar týraly aitty.
Nurlan Nyǵmatýlin atalǵan zań jobasynyń qabyldanýymen osy máseleni sheshý boiynsha zańnamalyq baza qurylatynyn atap ótti.
«2021 jyldyń basynan bastap zeinetaqy qorynyń salymshylary jinaǵynyń bir bóligin turǵyn úi satyp alýǵa, emdelýge nemese qarjy kompaniialarynyń basqarýyna berý úshin paidalana alady», - dedi Májilis spikeri.
Osy normany talqylaý kezinde Májilis depýtattary zań jobasynda kózdelgen zeinetaqy jinaqtarynyń «jetkiliktilik shegin» belgileý ádistemesine qatysty máseleni kóterdi.
Eńbek jáne halyqty áleýmettik qorǵaý ministrliginiń ókilderi túsindirgendei, zeinetaqy jinaqtarynyń «jetkiliktilik shegin» aiqyndaý ádistemesin Úkimet anyqtaityn bolady. «Jetkiliktilik shegin» belgileýdiń basty maqsaty - azamattardy zeinetkerlik jasqa tolǵan kezde bolashaqta laiyqty zeinetaqymen qamtamasyz etý múmkindigi.
Sonymen qatar, Májilis spikeri zeinetaqy jinaqtaryn paidalaný tetigi qoljetimdi ári túsinikti bolýy tiis ekenin atap ótip, aldaǵy ýaqytta memlekettik organdar osy talaptardyń júzege asyrýdyń naqty tetikterin qalyptastyrýy kerek dedi.
Sondai-aq, búgingi jalpy otyrysta qoǵamdyq keńesterdiń qyzmetine qatysty normalar talqylandy.
Atap aitqanda, depýtattar qoǵamdyq keńester qazirgi ýaqytta memlekettik organdarda ǵana emes, kvazimemlekettik sektorǵa da qatysty túzetýler engizdi.
Budan basqa, depýtattar qoǵamdyq keńesterge kvazimemlekettik sektor sýbektisiniń damý strategiialary men josparlarynyń jobalaryn, biýdjetiniń atqarylýyn, satyp alý komissiialarynyń qyzmetine qatysýmen qatar talqylaý fýnktsiiasyn berýdi usynady.
Osyǵan qatysty pikir bildirgen Nurlan Nyǵmatýlin bul máseleler árdaiym qoǵamnyń nazarynda ekenin aityp, atalǵan norma qoǵamdyq keńesterdiń qyzmetindegi eleýli ilgerileýshilikti bildiretinin jetkizdi.
Sonymen qatar, Májilis depýtattary zań jobasyn ázirleýshilerdiń ýákiletti organnyń qoǵamdyq keńesterge «basshylyq etýdi» júzege asyrýyn kózdeitin tujyrymyna qatysty alańdaýshylyqtaryn bildirdi.
Májilis spikeri atap ótkendei, qoǵamdyq keńesterde memlekettik organnan basshylyqtyń bolmaýy mańyzdy. Sonda ǵana olardyń jumysynyń derbestik qaǵidattary saqtalady.Ekinshi oqylym aldynda jumys toby osy normanyń tujyrymdamasyn naqtylaýy kerek. Osyǵan qatysty sózin qorytyndylaǵan Májilis tóraǵasy:
«Osy qoǵamdyq keńester qurylǵan kúnnen bastap, respýblikalyq, jergilikti deńgeide barlyq máselelerdi táýelsiz jáne ashyq sheshýge zor yqpal etip keledi. Sondyqtan, búgin biz maquldaǵan zań jobasy, eń aldymen, qoǵamdyq keńes jumystaryn odan ári kúsheitýge serpin beredi. Sonymen birge, qoǵamdyq dialogtyń jańa úlgisin qalyptastyrýǵa jol ashady dep senemiz», - dedi.
