مەجٸلٸس تٶراعاسى نۇرلان نىعماتۋلين پالاتانىڭ جالپى وتىرىسىندا مەملەكەت باسشىسىنىڭ بيىلعى پارلامەنتتٸك سەسسييانىڭ اشىلۋىندا جٷكتەگەن تاپسىرمالارىن ورىنداۋعا باعىتتالعان زاڭنامالىق نورمالارعا نازار اۋداردى, دەپ حابارلايدى "ۇلت اقپارات".
اتاپ ايتقاندا, حالىقتىڭ زەينەتاقى جيناقتارىنىڭ بٸر بٶلٸگٸن پايدالانۋ, سونداي-اق قوعامدىق كەڭەستەردٸڭ رٶلٸن كٷشەيتۋ.
وسىعان وراي, مەجٸلٸس دەپۋتاتتارى ەكونوميكالىق ٶسۋدٸ قالپىنا كەلتٸرۋ, سونداي-اق قوعامدىق كەڭەستەردٸڭ قىزمەتٸنە قاتىستى تٷزەتۋلەردٸ قامتيتىن زاڭ جوبالارىن بٸرٸنشٸ وقىلىمدا ماقۇلدادى.
وتىرىس بارىسىندا مەجٸلٸس تٶراعاسى قوعامدا قىزۋ تالقىلانعان زەينەتاقى جيناقتارىنىڭ بٸر بٶلٸگٸن پايدالانۋعا مٷمكٸندٸك بەرۋگە باعىتتالعان نورمالار تۋرالى ايتتى.
نۇرلان نىعماتۋلين اتالعان زاڭ جوباسىنىڭ قابىلدانۋىمەن وسى مەسەلەنٸ شەشۋ بويىنشا زاڭنامالىق بازا قۇرىلاتىنىن اتاپ ٶتتٸ.
«2021 جىلدىڭ باسىنان باستاپ زەينەتاقى قورىنىڭ سالىمشىلارى جيناعىنىڭ بٸر بٶلٸگٸن تۇرعىن ٷي ساتىپ الۋعا, ەمدەلۋگە نەمەسە قارجى كومپانييالارىنىڭ باسقارۋىنا بەرۋ ٷشٸن پايدالانا الادى», - دەدٸ مەجٸلٸس سپيكەرٸ.
وسى نورمانى تالقىلاۋ كەزٸندە مەجٸلٸس دەپۋتاتتارى زاڭ جوباسىندا كٶزدەلگەن زەينەتاقى جيناقتارىنىڭ «جەتكٸلٸكتٸلٸك شەگٸن» بەلگٸلەۋ ەدٸستەمەسٸنە قاتىستى مەسەلەنٸ كٶتەردٸ.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ ٶكٸلدەرٸ تٷسٸندٸرگەندەي, زەينەتاقى جيناقتارىنىڭ «جەتكٸلٸكتٸلٸك شەگٸن» ايقىنداۋ ەدٸستەمەسٸن ٷكٸمەت انىقتايتىن بولادى. «جەتكٸلٸكتٸلٸك شەگٸن» بەلگٸلەۋدٸڭ باستى ماقساتى - ازاماتتاردى زەينەتكەرلٸك جاسقا تولعان كەزدە بولاشاقتا لايىقتى زەينەتاقىمەن قامتاماسىز ەتۋ مٷمكٸندٸگٸ.
سونىمەن قاتار, مەجٸلٸس سپيكەرٸ زەينەتاقى جيناقتارىن پايدالانۋ تەتٸگٸ قولجەتٸمدٸ ەرٸ تٷسٸنٸكتٸ بولۋى تيٸس ەكەنٸن اتاپ ٶتٸپ, الداعى ۋاقىتتا مەملەكەتتٸك ورگاندار وسى تالاپتاردىڭ جٷزەگە اسىرۋدىڭ ناقتى تەتٸكتەرٸن قالىپتاستىرۋى كەرەك دەدٸ.
سونداي-اق, بٷگٸنگٸ جالپى وتىرىستا قوعامدىق كەڭەستەردٸڭ قىزمەتٸنە قاتىستى نورمالار تالقىلاندى.
اتاپ ايتقاندا, دەپۋتاتتار قوعامدىق كەڭەستەر قازٸرگٸ ۋاقىتتا مەملەكەتتٸك ورگانداردا عانا ەمەس, كۆازيمەملەكەتتٸك سەكتورعا دا قاتىستى تٷزەتۋلەر ەنگٸزدٸ.
بۇدان باسقا, دەپۋتاتتار قوعامدىق كەڭەستەرگە كۆازيمەملەكەتتٸك سەكتور سۋبەكتٸسٸنٸڭ دامۋ ستراتەگييالارى مەن جوسپارلارىنىڭ جوبالارىن, بيۋدجەتٸنٸڭ اتقارىلۋىن, ساتىپ الۋ كوميسسييالارىنىڭ قىزمەتٸنە قاتىسۋمەن قاتار تالقىلاۋ فۋنكتسيياسىن بەرۋدٸ ۇسىنادى.
وسىعان قاتىستى پٸكٸر بٸلدٸرگەن نۇرلان نىعماتۋلين بۇل مەسەلەلەر ەردايىم قوعامنىڭ نازارىندا ەكەنٸن ايتىپ, اتالعان نورما قوعامدىق كەڭەستەردٸڭ قىزمەتٸندەگٸ ەلەۋلٸ ٸلگەرٸلەۋشٸلٸكتٸ بٸلدٸرەتٸنٸن جەتكٸزدٸ.
سونىمەن قاتار, مەجٸلٸس دەپۋتاتتارى زاڭ جوباسىن ەزٸرلەۋشٸلەردٸڭ ۋەكٸلەتتٸ ورگاننىڭ قوعامدىق كەڭەستەرگە «باسشىلىق ەتۋدٸ» جٷزەگە اسىرۋىن كٶزدەيتٸن تۇجىرىمىنا قاتىستى الاڭداۋشىلىقتارىن بٸلدٸردٸ.
مەجٸلٸس سپيكەرٸ اتاپ ٶتكەندەي, قوعامدىق كەڭەستەردە مەملەكەتتٸك ورگاننان باسشىلىقتىڭ بولماۋى ماڭىزدى. سوندا عانا ولاردىڭ جۇمىسىنىڭ دەربەستٸك قاعيداتتارى ساقتالادى.ەكٸنشٸ وقىلىم الدىندا جۇمىس توبى وسى نورمانىڭ تۇجىرىمداماسىن ناقتىلاۋى كەرەك. وسىعان قاتىستى سٶزٸن قورىتىندىلاعان مەجٸلٸس تٶراعاسى:
«وسى قوعامدىق كەڭەستەر قۇرىلعان كٷننەن باستاپ, رەسپۋبليكالىق, جەرگٸلٸكتٸ دەڭگەيدە بارلىق مەسەلەلەردٸ تەۋەلسٸز جەنە اشىق شەشۋگە زور ىقپال ەتٸپ كەلەدٸ. سوندىقتان, بٷگٸن بٸز ماقۇلداعان زاڭ جوباسى, ەڭ الدىمەن, قوعامدىق كەڭەس جۇمىستارىن ودان ەرٸ كٷشەيتۋگە سەرپٸن بەرەدٸ. سونىمەن بٸرگە, قوعامدىق ديالوگتىڭ جاڭا ٷلگٸسٸن قالىپتاستىرۋعا جول اشادى دەپ سەنەمٸز», - دەدٸ.
