Májilis Tóraǵasy Nurlan Nyǵmatýlin Memleket basshysy Qasym-Jomart Toqaevtyń «Egemen Qazaqstan» gazetinde jariialanǵan «Táýelsizdik bárinen qymbat» atty mazmundy maqalasyna orai óz pikirin bildirdi, dep habarlaidy "Ult aqparat".
Nurlan Nyǵmatýlin atap ótkendei, 2021 jyl – biz úshin erekshe. Sebebi, osy jyly biz ata-babalarymyz ǵasyrlar boiy ańsaǵan, qasietti táýelsizdigimizdiń 30 jyldyǵyna qadam bastyq.
Májilis Tóraǵasynyń aitýynsha, maqalada memleketimizdiń qalyptasý, damý, órkendeý joly «Baǵdar men beles», «Tanym men taǵlym», «Qoǵam men qundylyq» jáne «Ulaǵat pen ustanym» dep atalatyn tórt aýqymdy baǵyt qamtyla otyryp, «Otyz jylda biz qandai jetistikterge jettik?», «Keler urpaqqa qandai eldi amanattaimyz?», «Memlekettigimizdi nyǵaita túsý úshin taǵy ne isteimiz?» degen suraqtardyń aiqyn jaýaby kórsetilgen.
Prezident atap ótkendei, tarih turǵysynan alǵanda, otyz jyl – kózdi ashyp jumǵandai qas-qaǵym sát. Degenmen, bul kóptegen halyqtar úshin qiyndyǵy men qýanyshy, daǵdarysy men damýy almasqan tutas dáýir deýge bolady. Biz de osyndai joldan ótip kelemiz.
Palata tóraǵasynyń aitýynsha, alǵashqy onjyldyqta Elbasymyz Nursultan Nazarbaevtyń basshylyǵymen memlekettik nyshandarymyz belgilenip, bilik júiemiz qalyptasty. Sondai-aq «Qazaqstan -2030» strategiiasyn qabyldadyq. Ekinshi onjyldyqta memleketimizdiń tuǵyry nyǵaiyp, ekonomikalyq áleýetimiz artqanyn, úshinshi onjyldyqta «Qazaqstan – 2050» strategiiasyn qabyldap, ozyq damyǵan otyz eldiń qataryna qosylýdy josparlap otyrǵanyna toqtaldy.
«Osy kezeńderde bilim, densaýlyq, áleýmettik jaǵdai, rýhani bailyǵymyz, patriottyq rýhymyz, basqa da elimizdiń barlyq salalary zaman talabyna sai qarqyndy ósip otyrdy. Bul Elbasymyz bastap, Memleket Basshysy jalǵastyrǵan maqsaty berik, bolashaǵy aiqyn, senimi nyq qazaqstandyq úzdiksiz damý jolymyz», - dedi Nurlan Nyǵmatýlin.
Endi aldaǵy tórtinshi onjyldyqtaǵy basty mindet – qýatty el jáne kemel halyq bolý ekenin alǵa tartqan Palata spikeri, osy jolda eń basty baǵdar bilimdi urpaq ekenin aitty. Sonymen qatar jas býynǵa jan-jaqty qoldaý kórsete otyryp, básekelik qabiletin arttyrýǵa basa kóńil bólinetinin jetkizdi.
«Memleket basshysynyń maqalasy – elim, jerim deitin, táýelsizdikti qorǵaýǵa, saqtaýǵa úles qosýǵa tiis árbir azamat úshin aqyl qalta siiaqty aiqyn baǵdar deýge bolady. Sonymen birge, búkil qoǵamdy uiystyratyn qundylyqtardy jinaqtai otyryp, el birligin, ult tutastyǵyn, memleket órkenietin qamtamasyz etýge arnalǵan naqty tarihi qujat», - dedi Nurlan Nyǵmatýlin.
Májilis Tóraǵasy atap ótkendei, QR Prezidentiniń maqalasy árbir qazaqstandyqtyń júreginen oryn alyp, rýhyn asqaqtatýǵa serpin beretini sózsiz.
.jpeg)