مەجٸلٸس تٶراعاسى نۇرلان نىعماتۋلين مەملەكەت باسشىسى قاسىم-جومارت توقاەۆتىڭ «Egemen Qazaqstan» گازەتٸندە جارييالانعان «تەۋەلسٸزدٸك بەرٸنەن قىمبات» اتتى مازمۇندى ماقالاسىنا وراي ٶز پٸكٸرٸن بٸلدٸردٸ, دەپ حابارلايدى "ۇلت اقپارات".
نۇرلان نىعماتۋلين اتاپ ٶتكەندەي, 2021 جىل – بٸز ٷشٸن ەرەكشە. سەبەبٸ, وسى جىلى بٸز اتا-بابالارىمىز عاسىرلار بويى اڭساعان, قاسيەتتٸ تەۋەلسٸزدٸگٸمٸزدٸڭ 30 جىلدىعىنا قادام باستىق.
مەجٸلٸس تٶراعاسىنىڭ ايتۋىنشا, ماقالادا مەملەكەتٸمٸزدٸڭ قالىپتاسۋ, دامۋ, ٶركەندەۋ جولى «باعدار مەن بەلەس», «تانىم مەن تاعلىم», «قوعام مەن قۇندىلىق» جەنە «ۇلاعات پەن ۇستانىم» دەپ اتالاتىن تٶرت اۋقىمدى باعىت قامتىلا وتىرىپ, «وتىز جىلدا بٸز قانداي جەتٸستٸكتەرگە جەتتٸك?», «كەلەر ۇرپاققا قانداي ەلدٸ اماناتتايمىز?», «مەملەكەتتٸگٸمٸزدٸ نىعايتا تٷسۋ ٷشٸن تاعى نە ٸستەيمٸز?» دەگەن سۇراقتاردىڭ ايقىن جاۋابى كٶرسەتٸلگەن.
پرەزيدەنت اتاپ ٶتكەندەي, تاريح تۇرعىسىنان العاندا, وتىز جىل – كٶزدٸ اشىپ جۇمعانداي قاس-قاعىم سەت. دەگەنمەن, بۇل كٶپتەگەن حالىقتار ٷشٸن قيىندىعى مەن قۋانىشى, داعدارىسى مەن دامۋى الماسقان تۇتاس دەۋٸر دەۋگە بولادى. بٸز دە وسىنداي جولدان ٶتٸپ كەلەمٸز.
پالاتا تٶراعاسىنىڭ ايتۋىنشا, العاشقى ونجىلدىقتا ەلباسىمىز نۇرسۇلتان نازارباەۆتىڭ باسشىلىعىمەن مەملەكەتتٸك نىشاندارىمىز بەلگٸلەنٸپ, بيلٸك جٷيەمٸز قالىپتاستى. سونداي-اق «قازاقستان -2030» ستراتەگيياسىن قابىلدادىق. ەكٸنشٸ ونجىلدىقتا مەملەكەتٸمٸزدٸڭ تۇعىرى نىعايىپ, ەكونوميكالىق ەلەۋەتٸمٸز ارتقانىن, ٷشٸنشٸ ونجىلدىقتا «قازاقستان – 2050» ستراتەگيياسىن قابىلداپ, وزىق دامىعان وتىز ەلدٸڭ قاتارىنا قوسىلۋدى جوسپارلاپ وتىرعانىنا توقتالدى.
«وسى كەزەڭدەردە بٸلٸم, دەنساۋلىق, ەلەۋمەتتٸك جاعداي, رۋحاني بايلىعىمىز, پاتريوتتىق رۋحىمىز, باسقا دا ەلٸمٸزدٸڭ بارلىق سالالارى زامان تالابىنا ساي قارقىندى ٶسٸپ وتىردى. بۇل ەلباسىمىز باستاپ, مەملەكەت باسشىسى جالعاستىرعان ماقساتى بەرٸك, بولاشاعى ايقىن, سەنٸمٸ نىق قازاقستاندىق ٷزدٸكسٸز دامۋ جولىمىز», - دەدٸ نۇرلان نىعماتۋلين.
ەندٸ الداعى تٶرتٸنشٸ ونجىلدىقتاعى باستى مٸندەت – قۋاتتى ەل جەنە كەمەل حالىق بولۋ ەكەنٸن العا تارتقان پالاتا سپيكەرٸ, وسى جولدا ەڭ باستى باعدار بٸلٸمدٸ ۇرپاق ەكەنٸن ايتتى. سونىمەن قاتار جاس بۋىنعا جان-جاقتى قولداۋ كٶرسەتە وتىرىپ, بەسەكەلٸك قابٸلەتٸن ارتتىرۋعا باسا كٶڭٸل بٶلٸنەتٸنٸن جەتكٸزدٸ.
«مەملەكەت باسشىسىنىڭ ماقالاسى – ەلٸم, جەرٸم دەيتٸن, تەۋەلسٸزدٸكتٸ قورعاۋعا, ساقتاۋعا ٷلەس قوسۋعا تيٸس ەربٸر ازامات ٷشٸن اقىل قالتا سيياقتى ايقىن باعدار دەۋگە بولادى. سونىمەن بٸرگە, بٷكٸل قوعامدى ۇيىستىراتىن قۇندىلىقتاردى جيناقتاي وتىرىپ, ەل بٸرلٸگٸن, ۇلت تۇتاستىعىن, مەملەكەت ٶركەنيەتٸن قامتاماسىز ەتۋگە ارنالعان ناقتى تاريحي قۇجات», - دەدٸ نۇرلان نىعماتۋلين.
مەجٸلٸس تٶراعاسى اتاپ ٶتكەندەي, قر پرەزيدەنتٸنٸڭ ماقالاسى ەربٸر قازاقستاندىقتىڭ جٷرەگٸنەن ورىن الىپ, رۋحىن اسقاقتاتۋعا سەرپٸن بەرەتٸنٸ سٶزسٸز.
.jpeg)