Májilis Spikeri Nurlan Nyǵmatýlinniń tóraǵalyǵymen Palatanyń jalpy otyrysy ótti. Onda depýtattardyń bastamasymen ázirlengen «Astyq týraly» zań jobasy maquldandy, dep habarlaidy "Ult aqparat" Májilistiń baspasóz qyzmetine silteme jasap.
Nurlan Nyǵmatýlin osy zań jobasynyń mańyzdylyǵyn alǵa tarta kele:
«Sońǵy kezde pandemiiaǵa bailanysty kóptegen memleketter shekteý rejimderin engizdi. Saýda-ekonomikalyq bailanystar azaidy. Bul jaǵdai, árine, azyq-túlik máselesine de áser etedi. Al, astyq máselesi – ol birinshi kezektegi áleýmettik suraq. Sondyqtan, osy Zań jobasynda qaralǵan astyq qorlaryn saqtaýdy memlekettik qamtamasyz etý, osy saladaǵy operatordyń mártebesin anyqtaý týraly normalar óte mańyzdy, búgin óte kerek nárse», - dedi.
Depýtattardyń bastamasymen ázirlengen zań jobasy tabiǵi jáne tehnogendik sipattaǵy tótenshe jaǵdailar týyndaǵan, tótenshe jaǵdai engizilgen kezde eldi azyq-túlik astyǵymen kepildi túrde qamtamasyz etý, sondai-aq «Azyq-túlik kelisimshart korporatsiiasy» ulttyq kompaniiasy» aktsionerlik qoǵamynyń mártebesi men rólin zańnamalyq turǵydan aiqyndaý maqsatynda ázirledi.
