مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن پالاتانىڭ جالپى وتىرىسى ٶتتٸ. وندا دەپۋتاتتاردىڭ باستاماسىمەن ەزٸرلەنگەن «استىق تۋرالى» زاڭ جوباسى ماقۇلداندى, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
نۇرلان نىعماتۋلين وسى زاڭ جوباسىنىڭ ماڭىزدىلىعىن العا تارتا كەلە:
«سوڭعى كەزدە پاندەميياعا بايلانىستى كٶپتەگەن مەملەكەتتەر شەكتەۋ رەجيمدەرٸن ەنگٸزدٸ. ساۋدا-ەكونوميكالىق بايلانىستار ازايدى. بۇل جاعداي, ەرينە, ازىق-تٷلٸك مەسەلەسٸنە دە ەسەر ەتەدٸ. ال, استىق مەسەلەسٸ – ول بٸرٸنشٸ كەزەكتەگٸ ەلەۋمەتتٸك سۇراق. سوندىقتان, وسى زاڭ جوباسىندا قارالعان استىق قورلارىن ساقتاۋدى مەملەكەتتٸك قامتاماسىز ەتۋ, وسى سالاداعى وپەراتوردىڭ مەرتەبەسٸن انىقتاۋ تۋرالى نورمالار ٶتە ماڭىزدى, بٷگٸن ٶتە كەرەك نەرسە», - دەدٸ.
دەپۋتاتتاردىڭ باستاماسىمەن ەزٸرلەنگەن زاڭ جوباسى تابيعي جەنە تەحنوگەندٸك سيپاتتاعى تٶتەنشە جاعدايلار تۋىنداعان, تٶتەنشە جاعداي ەنگٸزٸلگەن كەزدە ەلدٸ ازىق-تٷلٸك استىعىمەن كەپٸلدٸ تٷردە قامتاماسىز ەتۋ, سونداي-اق «ازىق-تٷلٸك كەلٸسٸمشارت كورپوراتسيياسى» ۇلتتىق كومپانيياسى» اكتسيونەرلٸك قوعامىنىڭ مەرتەبەسٸ مەن رٶلٸن زاڭنامالىق تۇرعىدان ايقىنداۋ ماقساتىندا ەزٸرلەدٸ.
