Kezdesý barysynda Qazaqstannyń Tuńǵysh Prezidenti Mihail Mishýstindi jaýapty jáne mańyzdy laýazymǵa taǵaiyndalýymen quttyqtady, dep habarlaidy "Ult aqparat" Elbasynyń resmi saityna silteme jasap.
– Siz bul qyzmetke óte qiyn kezeńde kelip otyrsyz. Qazir jaǵdai ońai emes. Jańa laýazymda sizdiń mol tájiribeńiz paidaly bolady dep senemin. Keshe Almatyda tsifrlandyrý jáne jasandy intellektini damytý máselelerin talqyladyńyzdar, - dedi Elbasy.
Nursultan Nazarbaev Qazaqstan táýelsizdik alǵannan beri Resei Federatsiiasymen tatý kórshilik qarym-qatynas ornatqanyn atap ótti.
– Men jumys istegen jyldardyń bárinde Qazaqstan men Resei arasyndaǵy yntymaqtastyqty nyǵaitýǵa tyrystym. Búgingi tańda bizdiń bailanystarymyz úlgi etýge turarlyq dep esepteimin. Aldaǵy ýaqytta da osylai bolǵanyn qalaimyn, - dedi Qazaqstannyń Tuńǵysh Prezidenti.
