كەزدەسۋ بارىسىندا قازاقستاننىڭ تۇڭعىش پرەزيدەنتٸ ميحايل ميشۋستيندٸ جاۋاپتى جەنە ماڭىزدى لاۋازىمعا تاعايىندالۋىمەن قۇتتىقتادى, دەپ حابارلايدى "ۇلت اقپارات" ەلباسىنىڭ رەسمي سايتىنا سٸلتەمە جاساپ.
– سٸز بۇل قىزمەتكە ٶتە قيىن كەزەڭدە كەلٸپ وتىرسىز. قازٸر جاعداي وڭاي ەمەس. جاڭا لاۋازىمدا سٸزدٸڭ مول تەجٸريبەڭٸز پايدالى بولادى دەپ سەنەمٸن. كەشە الماتىدا تسيفرلاندىرۋ جەنە جاساندى ينتەللەكتٸنٸ دامىتۋ مەسەلەلەرٸن تالقىلادىڭىزدار, - دەدٸ ەلباسى.
نۇرسۇلتان نازارباەۆ قازاقستان تەۋەلسٸزدٸك العاننان بەرٸ رەسەي فەدەراتسيياسىمەن تاتۋ كٶرشٸلٸك قارىم-قاتىناس ورناتقانىن اتاپ ٶتتٸ.
– مەن جۇمىس ٸستەگەن جىلداردىڭ بەرٸندە قازاقستان مەن رەسەي اراسىنداعى ىنتىماقتاستىقتى نىعايتۋعا تىرىستىم. بٷگٸنگٸ تاڭدا بٸزدٸڭ بايلانىستارىمىز ٷلگٸ ەتۋگە تۇرارلىق دەپ ەسەپتەيمٸن. الداعى ۋاقىتتا دا وسىلاي بولعانىن قالايمىن, - دەدٸ قازاقستاننىڭ تۇڭعىش پرەزيدەنتٸ.
