"Búgin Qazaqstan Prezidenti Nursultan Nazarbaev Qytaiǵa jumys sapary aiasynda QHR Tóraǵasy Si Tszinpinmen kelissózder júrgizdi. Kezdesýdiń qorytyndysynda eki Memleket basshysynyń qatysýymen 4 kelisimge qol qoiyldy", - dep habarlaidy Ult.kz tilshsi QazAqparat agenttigine silteme jasap.
Atap aitqanda, Qazaqstan Respýblikasy Úkimeti men Qytai Halyq Respýblikasy Úkimeti arasyndaǵy 2004 jylǵy 17 mamyrdaǵy QR-QHR yntymaqtastyǵy jónindegi komitet qurý týraly kelisimge qosymshalar engizý týraly hattama rásimdeldi. Qujatqa Qazaqstan tarapynan elimizdiń Syrtqy ister ministri Erlan Ydyrysov pen qytai tarapynan QHR Syrtqy ister ministri Van I qol qoidy.
QR Ulttyq ekonomika ministri Qýandyq Bishimbaev pen QHR Damý jáne reformalar jónindegi memlekettik komitetiniń tóraǵasy Siýi Shaoshi «Nurly jol» men «Jibek joly ekonomikalyq beldeýi» baǵdarlamalaryn túiindestirý jónindegi yntymaqtastyq josparyn rásimdedi.
QR Aýyl sharýashylyǵy vitse-ministri Gúlmira Isaeva men QHR Sapaǵa qadaǵalaý jasaý, inspektsiia jáne karantin bas basqarmasynyń basshysy Chji Shýpin eki eldiń vedomstvolary arasynda Qytaiǵa Qazaqstannan eksporttalatyn jylqylarǵa qoiylatyn karantin jáne saýlyq talaptary boiynsha jáne Qazaqstan Respýblikasyna Qytai Halyq Respýblikasyna soia daqyldaryn eksporttaý úshin fitosanitarlyq talaptar boiynsha QR Aýyl sharýashylyǵy ministrligi men QHR Sapaǵa qadaǵalaý jasaý, inspektsiia jáne karantin bas basqarmasynyń arasyndaǵy hattamalardy bekitti.
Aita keteiik, Qazaqstan Respýblikasynyń Prezidenti Nursultan Nazarbaev 4-5 qyrkúiekte Hanchjoýda ótetin G-20 Sammitine qatysý úshin Qytaiǵa keldi. Sonymen qatar Memleket basshysynyń Sammit aiasynda delegatsiialar basshylarymen kelissózder ótkizýi josparlanǵan.
