"بٷگٸن قازاقستان پرەزيدەنتٸ نۇرسۇلتان نازارباەۆ قىتايعا جۇمىس ساپارى اياسىندا قحر تٶراعاسى سي تسزينپينمەن كەلٸسسٶزدەر جٷرگٸزدٸ. كەزدەسۋدٸڭ قورىتىندىسىندا ەكٸ مەملەكەت باسشىسىنىڭ قاتىسۋىمەن 4 كەلٸسٸمگە قول قويىلدى", - دەپ حابارلايدى ۇلت.كز تٸلشسٸ قازاقپارات اگەنتتٸگٸنە سٸلتەمە جاساپ.
اتاپ ايتقاندا, قازاقستان رەسپۋبليكاسى ٷكٸمەتٸ مەن قىتاي حالىق رەسپۋبليكاسى ٷكٸمەتٸ اراسىنداعى 2004 جىلعى 17 مامىرداعى قر-قحر ىنتىماقتاستىعى جٶنٸندەگٸ كوميتەت قۇرۋ تۋرالى كەلٸسٸمگە قوسىمشالار ەنگٸزۋ تۋرالى حاتتاما رەسٸمدەلدٸ. قۇجاتقا قازاقستان تاراپىنان ەلٸمٸزدٸڭ سىرتقى ٸستەر مينيسترٸ ەرلان ىدىرىسوۆ پەن قىتاي تاراپىنان قحر سىرتقى ٸستەر مينيسترٸ ۆان ي قول قويدى.
قر ۇلتتىق ەكونوميكا مينيسترٸ قۋاندىق بيشٸمباەۆ پەن قحر دامۋ جەنە رەفورمالار جٶنٸندەگٸ مەملەكەتتٸك كوميتەتٸنٸڭ تٶراعاسى سيۋي شاوشي «نۇرلى جول» مەن «جٸبەك جولى ەكونوميكالىق بەلدەۋٸ» باعدارلامالارىن تٷيٸندەستٸرۋ جٶنٸندەگٸ ىنتىماقتاستىق جوسپارىن رەسٸمدەدٸ.
قر اۋىل شارۋاشىلىعى ۆيتسە-مينيسترٸ گٷلميرا يساەۆا مەن قحر ساپاعا قاداعالاۋ جاساۋ, ينسپەكتسييا جەنە كارانتين باس باسقارماسىنىڭ باسشىسى چجي شۋپين ەكٸ ەلدٸڭ ۆەدومستۆولارى اراسىندا قىتايعا قازاقستاننان ەكسپورتتالاتىن جىلقىلارعا قويىلاتىن كارانتين جەنە ساۋلىق تالاپتارى بويىنشا جەنە قازاقستان رەسپۋبليكاسىنا قىتاي حالىق رەسپۋبليكاسىنا سويا داقىلدارىن ەكسپورتتاۋ ٷشٸن فيتوسانيتارلىق تالاپتار بويىنشا قر اۋىل شارۋاشىلىعى مينيسترلٸگٸ مەن قحر ساپاعا قاداعالاۋ جاساۋ, ينسپەكتسييا جەنە كارانتين باس باسقارماسىنىڭ اراسىنداعى حاتتامالاردى بەكٸتتٸ.
ايتا كەتەيٸك, قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆ 4-5 قىركٷيەكتە حانچجوۋدا ٶتەتٸن G-20 سامميتٸنە قاتىسۋ ٷشٸن قىتايعا كەلدٸ. سونىمەن قاتار مەملەكەت باسشىسىنىڭ سامميت اياسىندا دەلەگاتسييالار باسشىلارىمەن كەلٸسسٶزدەر ٶتكٸزۋٸ جوسپارلانعان.
