تانىمال اكتەر رامازان امانتاي وسى كٷنگە دەيٸن تاپقان تابىسىن دۇرىس جۇمساي الماي, ەلٸ باسپانالى بولماعانىن ايتتى. ٶنەر يەسٸ قارجىعا قاتىستى قاتەلٸكتەرٸن ەسكە الىپ, كٶزٸنە جاس العانىن دا جاسىرمادى, دەپ حابارلايدى ult.kz.
رامازان امانتاي بۇل تۋرالى جۋرناليست اينۇر اسانبەردٸنٸڭ "ەڭگٸمە بار" پودكاسىنا بەرگەن سۇحباتىندا ايتتى. ونىڭ سٶزٸنشە, وسى ۋاقىتقا دەيٸن تاپقان اقشاسىنا بٸرنەشە باسپانا ساتىپ الۋعا مٷمكٸندٸك بولعان. الايدا ول قاراجاتىن جيناۋدىڭ ورنىنا وڭدى-سولدى جۇمساعان.
"جيىرما ٷي الاتىنداي اقشام بولعان شىعار وسى كٷنگە دەيٸن. بٸراق اقىلىم بولماپتى. ەيەلٸم ايتپايدى ەمەس, ايتادى. مەن بوي بەرمەيمٸن. اقشانى ەيەلٸم جينايتىن شىعار دەپ ويلايتىن شىعار, بٸراق اقشا ٶزٸمدە بولادى. ەشقانداي جاعدايدا وعان بەرمەيمٸن. ٶزٸمدە عانا بولادى. مەن دالاعا شاشامىن. كٶپ اقىماقتىعىما كۋە باۋىرلارىم بار. سونىڭ بارلىعىن ەسٸمە تٷسٸرٸپ, جىلاپ جٸبەردٸم", – دەدٸ اكتەر.
سۇحبات بارىسىندا ٶنەر يەسٸ جۇبايىمەن اراداعى قارىم-قاتىناسىنا دا توقتالدى. ول بٸر كونتسەرتتە ەيەلٸنٸڭ كٶزٸنشە بۇرىنعى ماحابباتتارىن ەسكە الىپ, ەندەرٸنٸڭ كٸمدەرگە ارنالعانىن كٶپشٸلٸككە ايتىپ بەرگەنٸن جەتكٸزدٸ.
اكتەر كەيٸن بۇل ەرەكەتٸنٸڭ جارىنا اۋىر تيگەنٸن تٷسٸنگەن.
"ول كەشتە مەن بۇرىنعى ماحابباتتارىم تۋرالى ايتىپ تۇرمىن عوي, تٷرٸمە قاراماي. ەندەرٸمنٸڭ تاريحىن ايتىپ تۇرمىن. بٸرٸنشٸ جٷرگەن قىز, ەكٸنشٸ جٷرگەن قىز دەپ. سوڭىندا وسى ەڭگٸمەنٸ تىڭداپ وتىرعان ەيەلٸمە وڭاي ەمەس. بٸراق مىڭ جىلدا بٸر تۋاتىن اقىنداردىڭ ەيەلٸ دە مىڭ جىلدا بٸر تۋادى. سول ٷشٸن اناۋ-مىناۋ ادام ٶنەر ادامىنا جار بولمايدى. سول ٷشٸن دە راقمەت دەپ كەشٸرٸم سۇرادىم", – دەدٸ ول.
وسى وقيعادان كەيٸن رامازان امانتاي جۇبايىنا دەگەن سەزٸمٸن ەن ارقىلى جەتكٸزگەن. ٶنەر يەسٸ قازىبەك قۇرايىش ورىندايتىن "سٷيەمٸن" ەنٸن جارىنا ارناپ جازعانىن ايتتى.
"قازىبەك اعامىز ايتىپ جٷرگەن "شەكسٸزدٸكتەن سەزٸمگە تولى ٸشٸم" دەگەن ەندٸ بەتٸنە قاراپ وتىرىپ جازعان ەدٸم. سوڭىندا ەكەۋمٸز جىلاپ قالدىق", – دەپ ەسكە الدى اكتەر.
وسىلايشا, رامازان امانتاي سۇحباتىندا ٶتكەن ٶمٸرٸندەگٸ قارجىلىق قاتەلٸكتەرٸن عانا ەمەس, ٶنەر جولىندا جانىنان تابىلعان جۇبايىنىڭ تٶزٸمٸ مەن قولداۋىن دا ەرەكشە باعالايتىنىن جەتكٸزدٸ.
رامازان امانتاي كٸم?
رامازان بولاتۇلى امانتاي – قازاقستاندىق اكتەر, اقىن, ەن اۆتورى ەرٸ كينوپروديۋسەر. ول 1998 جىلى 28 جەلتوقساندا الماتى وبلىسىنىڭ تالعار قالاسىندا دٷنيەگە كەلگەن. ەكەسٸ بولات – ەكونوميست, ال اناسى روزا ەسبوسىنوۆا – قۇرمانعازى اتىنداعى قازاق ۇلتتىق كونسەرۆاتوريياسىن بٸتٸرگەن كٷيشٸ. رامازان بالا كەزٸنەن دومبىرا تارتىپ, قىتاي, اقش, يسپانييا, يتالييا, فرانتسييا جەنە گەرمانييا ەلدەرٸندە ٶنەر كٶرسەتكەن. ول "كٶكٸل" مەكتەبٸندە بٸلٸم الىپ, كەيٸن ەل-فارابي اتىنداعى قازاق ۇلتتىق ۋنيۆەرسيتەتٸندە وقىعان.
ٶنەر جولىن ەرتە باستاعان اكتەر "اينالايىن" تەلەحيكاياسىندا ارمان ەسٸمدٸ كەيٸپكەردٸ سومداعان.
كٶپشٸلٸككە "قازاقشا بيزنەس" فيلمٸندەگٸ ەركٶش رٶلٸ ارقىلى كەڭٸنەن تانىلدى.
سونداي-اق 2024 جىلى جارىق كٶرگەن "زامانback" فيلمٸندە باستى كەيٸپكەر ازاتتىڭ رٶلٸن سومدادى. 2026 جىلعى 22 قازاندا كينوتەاترلارعا جول تارتقان "زامانback 2" فيلمٸندە دە وسى كەيٸپكەردٸڭ بەينەسٸن الىپ شىقتى. اتالعان تۋىندىدا ازات ٶتكەن شاققا ورالىپ, ەكەسٸنٸڭ جاستىق شاعىمەن تانىسادى.
اكتەرلٸك ٶنەرمەن قاتار ەن جازۋمەن اينالىساتىن رامازان امانتاي 2023 جىلعى سۇحباتىندا 400-دەن استام ەن جازعانىن ايتقان. ونىڭ قالامىنان "اياگٶز, قايدا باراسىڭ?", "پروبلەما جوق", "تەتتٸ ماحابباتىم" سەكٸلدٸ ەندەردٸڭ مەتٸنٸ تۋعان.
