Qazaqstannyń Tuńǵysh Prezidenti Nursultan Nazarbaev koronavirýske bailanysty oqýshaýlandy, dep habarlaidy "Ult aqparat" Elbasynyń resmi saityna silteme jasap.
«Qazirgi kezde Qazaqstannyń Tuńǵysh Prezidenti ózin-ózi oqshaýlady. Ókinishke qarai, Elbasynyń koronavirýs infektsiiasyna tapsyrǵan sońǵy synamasy oń nátije kórsetti. Alaida, alańdaýǵa negiz joq. Nursultan Nazarbaev qashyqtan jumys isteýdi jalǵastyrýda», - delingen habarlamada.
Buǵan deiin birneshe depýtat pen sheneýnikten koronavirýs tabylǵany habarlanǵan edi. Indetke shaldyqqandar arasynda májilis tóraǵasy Nurlan Nyǵmatýlin, depýtat Bekbolat Tileýhan, densaýlyq saqtaý ministri Eljan Birtanov, Qazaqstan prezidentiniń baspasóz hatshysy Berik Ýáli, Temirtaý ákimi Ǵalym Áshimov, Pavlodar oblysy ákiminiń orynbasary Ashat Oralov jáne Almaty qalasy qoǵamdyq densaýlyq basqarmasynyń basshysy Kamaljan Nadyrov bar.
Úkimet múshesinen virýs tabylǵannan keiin premer-ministr Asqar Maminnen bastap, barlyq derlik ministr ózin oqshaýlady. Qazir olar da qashyqtan jumys istep jatyr.
