«Nurly jol» baǵdarlamasy boiynsha bólingen qarajat respýblikalyq deńgeide tolyq kólemde derlik igeriledi. Bul týraly Baqytjan Saǵyntaevtyń tóraǵalyǵymen ótken Úkimet otyrysyndaǵy óz baiandamasynda qarjy ministri Baqyt Sultanov aityp ótti, - dep habarlaidy "Ult aqparat".
«Biylǵy jyldyń 11 aiynda «Nurly jol» baǵdarlamasy boiynsha 435 mlrd teńge nemese jyldyq kólemniń 92% -y igerildi. Jyl boiynsha respýblikalyq deńgeide oryndalý kólemi shamamen 99,9% bolady dep kútilýde», - dedi qarjy vedomstvosynyń basshysy.
B. Sultanovtyń aitýynsha, jergilikti organdar 215,5 mlrd teńgeni nemese berilgen qarajattyń 94,5%-yn igergen, 12 mlrd teńge igerilmegen. Igerilmegen qarajattyń eń kóp kólemi Mańǵystaý men Aqtóbe oblystarynda baiqalady. Aýtsaiderler qatarynda Almaty, Aqmola jáne Atyraý oblystary bar. Jumys óndirisi kestesinen keshigý igerilmeýdiń negizgi sebebi bolyp tabylady.
«Memlekettik baǵaly qaǵazdardy ornalastyrýdan túsken qarajat 87,4%-ǵa nemese 25 mlrd teńgege igerilgen. Jyl sońyna deiin 13 mlrd teńgeni igerý kerek», - dedi spiker.
Eske sala keteiik, búgin Úkimettiń kezekti otyrysynda elimizdiń 2016 jylǵy 11 aidaǵy áleýmettik-ekonomikalyq damý qorytyndysy shyǵarylýda.
Ult portaly
.jpeg)