«نۇرلى جول» باعدارلاماسى بويىنشا بٶلٸنگەن قاراجات رەسپۋبليكالىق دەڭگەيدە تولىق كٶلەمدە دەرلٸك يگەرٸلەدٸ. بۇل تۋرالى باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسىنداعى ٶز بايانداماسىندا قارجى مينيسترٸ باقىت سۇلتانوۆ ايتىپ ٶتتٸ, - دەپ حابارلايدى "ۇلت اقپارات".
«بيىلعى جىلدىڭ 11 ايىندا «نۇرلى جول» باعدارلاماسى بويىنشا 435 ملرد تەڭگە نەمەسە جىلدىق كٶلەمنٸڭ 92% -ى يگەرٸلدٸ. جىل بويىنشا رەسپۋبليكالىق دەڭگەيدە ورىندالۋ كٶلەمٸ شامامەن 99,9% بولادى دەپ كٷتٸلۋدە», - دەدٸ قارجى ۆەدومستۆوسىنىڭ باسشىسى.
ب. سۇلتانوۆتىڭ ايتۋىنشا, جەرگٸلٸكتٸ ورگاندار 215,5 ملرد تەڭگەنٸ نەمەسە بەرٸلگەن قاراجاتتىڭ 94,5%-ىن يگەرگەن, 12 ملرد تەڭگە يگەرٸلمەگەن. يگەرٸلمەگەن قاراجاتتىڭ ەڭ كٶپ كٶلەمٸ ماڭعىستاۋ مەن اقتٶبە وبلىستارىندا بايقالادى. اۋتسايدەرلەر قاتارىندا الماتى, اقمولا جەنە اتىراۋ وبلىستارى بار. جۇمىس ٶندٸرٸسٸ كەستەسٸنەن كەشٸگۋ يگەرٸلمەۋدٸڭ نەگٸزگٸ سەبەبٸ بولىپ تابىلادى.
«مەملەكەتتٸك باعالى قاعازداردى ورنالاستىرۋدان تٷسكەن قاراجات 87,4%-عا نەمەسە 25 ملرد تەڭگەگە يگەرٸلگەن. جىل سوڭىنا دەيٸن 13 ملرد تەڭگەنٸ يگەرۋ كەرەك», - دەدٸ سپيكەر.
ەسكە سالا كەتەيٸك, بٷگٸن ٷكٸمەتتٸڭ كەزەكتٸ وتىرىسىندا ەلٸمٸزدٸڭ 2016 جىلعى 11 ايداعى ەلەۋمەتتٸك-ەكونوميكالىق دامۋ قورىتىندىسى شىعارىلۋدا.
ۇلت پورتالى
.jpeg)