Qala kúni qarsańynda máslihat depýtattary Almaty ákimi Baqytjan Saǵyntaevtyń «Dostyq» beketin Baýyrjan Momyshuly dep ózgertý týraly bastamasyn qoldady. Aqyn, memlekettik syilyqtyń laýreaty Nurlan Orazalin bul usynysty jón sanaidy, dep habarlaidy QazAqparat.
Jazýshy Nurlan Orazalinniń aitýynsha, Baýyrjan Momyshuly - soǵys batyry ǵana emes, Jeńistiń naǵyz strategi.
Ótken jyly Qazaqstanda Keńes Odaǵynyń Batyry, ataqty qolbasshy, Panfilov sarbazy, halyq batyrynyń týǵanyna 110 jyl toldy.
Sonymen qatar, ol Uly Otan soǵysy belsendi ári azamattyq pozitsiiasyn ashyq ári batyl túrde kórsete bilgen kórnekti tulǵa ekenin atap ótti. Abyroiy asqaq nar tulǵaly adamdy tanytty. Onyń maidandaǵy ómirbaianynda Máskeý shaiqasy erekshe oryn alady.
«Biyl Qazaqstan Respýblikasynyń Táýelsizdigine 30 jyl toldy. Osy jyldar ishinde biz rýhani salada úlken jetistikterge jettik. Sonyń biri - bizdiń elimizdiń tarihyn durys túsindirý jáne keńinen nasihattaý. Metro stansasyna dańqty batyr Baýyrjan Momyshulynyń esimi berilýi óte ádiletti. Burynǵy stansanyń «Máskeý» dep atalýy simvolikalyq, sebebi dál Momyshuly ony Uly Otan soǵysy kezinde qorǵaǵan. Ony uly tulǵa dep sanaýǵa bolady, ol soǵys kezinde halqymyzdyń týyna ainaldy, sondyqtan onyń esimi barshanyń jadynda bolýy, áleýmettik-mádeni nysandarǵa kórik berýi kerek», - dep atap ótti aqyn.
Máslihat depýtattary megapolis ákiminiń «Zapadnyi» avtovokzaly atalýy tiis bolashaq vokzaldyń ataýyn «Qarasai» stansasyna ózgertý týraly usynysyn da qoldady.
Jańa stansa Almaty oblysynyń Qarasai aýdanynyń shekarasynda salynady.
Belgilengen tártip boiynsha ákimdiktiń qaýlysy men Almaty qalasy máslihatynyń sheshimi respýblikalyq onomastikalyq komissiiaǵa jiberiledi, onda túpkilikti sheshim qabyldanady.
