قالا كٷنٸ قارساڭىندا مەسليحات دەپۋتاتتارى الماتى ەكٸمٸ باقىتجان ساعىنتاەۆتىڭ «دوستىق» بەكەتٸن باۋىرجان مومىشۇلى دەپ ٶزگەرتۋ تۋرالى باستاماسىن قولدادى. اقىن, مەملەكەتتٸك سىيلىقتىڭ لاۋرەاتى نۇرلان ورازالين بۇل ۇسىنىستى جٶن سانايدى, دەپ حابارلايدى قازاقپارات.
جازۋشى نۇرلان ورازاليننٸڭ ايتۋىنشا, باۋىرجان مومىشۇلى - سوعىس باتىرى عانا ەمەس, جەڭٸستٸڭ ناعىز ستراتەگٸ.
ٶتكەن جىلى قازاقستاندا كەڭەس وداعىنىڭ باتىرى, اتاقتى قولباسشى, پانفيلوۆ ساربازى, حالىق باتىرىنىڭ تۋعانىنا 110 جىل تولدى.
سونىمەن قاتار, ول ۇلى وتان سوعىسى بەلسەندٸ ەرٸ ازاماتتىق پوزيتسيياسىن اشىق ەرٸ باتىل تٷردە كٶرسەتە بٸلگەن كٶرنەكتٸ تۇلعا ەكەنٸن اتاپ ٶتتٸ. ابىرويى اسقاق نار تۇلعالى ادامدى تانىتتى. ونىڭ مايدانداعى ٶمٸربايانىندا مەسكەۋ شايقاسى ەرەكشە ورىن الادى.
«بيىل قازاقستان رەسپۋبليكاسىنىڭ تەۋەلسٸزدٸگٸنە 30 جىل تولدى. وسى جىلدار ٸشٸندە بٸز رۋحاني سالادا ٷلكەن جەتٸستٸكتەرگە جەتتٸك. سونىڭ بٸرٸ - بٸزدٸڭ ەلٸمٸزدٸڭ تاريحىن دۇرىس تٷسٸندٸرۋ جەنە كەڭٸنەن ناسيحاتتاۋ. مەترو ستانساسىنا داڭقتى باتىر باۋىرجان مومىشۇلىنىڭ ەسٸمٸ بەرٸلۋٸ ٶتە ەدٸلەتتٸ. بۇرىنعى ستانسانىڭ «مەسكەۋ» دەپ اتالۋى سيمۆوليكالىق, سەبەبٸ دەل مومىشۇلى ونى ۇلى وتان سوعىسى كەزٸندە قورعاعان. ونى ۇلى تۇلعا دەپ ساناۋعا بولادى, ول سوعىس كەزٸندە حالقىمىزدىڭ تۋىنا اينالدى, سوندىقتان ونىڭ ەسٸمٸ بارشانىڭ جادىندا بولۋى, ەلەۋمەتتٸك-مەدەني نىساندارعا كٶرٸك بەرۋٸ كەرەك», - دەپ اتاپ ٶتتٸ اقىن.
مەسليحات دەپۋتاتتارى مەگاپوليس ەكٸمٸنٸڭ «زاپادنىي» اۆتوۆوكزالى اتالۋى تيٸس بولاشاق ۆوكزالدىڭ اتاۋىن «قاراساي» ستانساسىنا ٶزگەرتۋ تۋرالى ۇسىنىسىن دا قولدادى.
جاڭا ستانسا الماتى وبلىسىنىڭ قاراساي اۋدانىنىڭ شەكاراسىندا سالىنادى.
بەلگٸلەنگەن تەرتٸپ بويىنشا ەكٸمدٸكتٸڭ قاۋلىسى مەن الماتى قالاسى مەسليحاتىنىڭ شەشٸمٸ رەسپۋبليكالىق ونوماستيكالىق كوميسسيياعا جٸبەرٸلەدٸ, وندا تٷپكٸلٸكتٸ شەشٸم قابىلدانادى.
