بەلگٸلٸ ەزٸلكەش قانات ەلجاپپاروۆ كونتسەرت بارىسىندا جۇبايىنىڭ تۇرسىنبەك قاباتوۆقا قاتىستى ايتقان ەسكەرتۋٸن كٶپشٸلٸككە جارييا ەتتٸ. ٶنەر يەسٸ وتباسىنداعى ەڭگٸمەنٸ ەزٸلگە اينالدىرىپ, كٶرەرمەندەردٸ كٷلكٸگە بٶلەدٸ, دەپ حابارلايدى ult.kz.
قانات ەلجاپپاروۆ ساحنادا ەرٸپتەسٸ تۇرسىنبەك قاباتوۆتى ٶنەردەگٸ عانا ەمەس, ٶمٸردەگٸ دە ۇستازى سانايتىنىن ايتىپ جٷرگەنٸن جەتكٸزدٸ. الايدا ەزٸلكەشتٸڭ مۇنداي پٸكٸرٸن جۇبايى ونشا قۇپتامايتىن كٶرٸنەدٸ.
ونىڭ سٶزٸنشە, كەلٸنشەگٸ تۇرسىنبەكتٸ كەسٸبي تۇرعىدا ٷلگٸ تۇتۋىنا قارسى ەمەس. دەگەنمەن وتباسىلىق ٶمٸرگە قاتىستى مەسەلەلەردە كٷيەۋٸنٸڭ ٶزگە ادامنان اقىل سۇراماعانىن قالايدى.
"مەن ەرقاشان ايتىپ جٷرەمٸن, تۇرسىنبەك قاباتوۆ – مەنٸڭ ٶنەردەگٸ, ٶمٸردەگٸ ۇستازىم. وسىلاي دەسەم, كەلٸنشەگٸم: "ٶمٸردەگٸ دەپ ايتپاشى. ٶنەردەگٸ عانا ۇستازىڭ بولسىن, ٶمٸردە ساعان ساباق بەرمەسٸن. ٶمٸردە بٸردەڭەگە ميىڭ جەتپەي جاتسا, مەن-اق كٶمەكتەسەمٸن. ەشكٸمنەن اقىل سۇراماشى. استاناعا مٷلدە بارماشى", – دەدٸ عوي", – دەپ ەزٸلدەدٸ قانات ەلجاپپاروۆ.
ەزٸلكەشتٸڭ جۇبايى ايتقان سٶزدٸ ساحنادان جەتكٸزۋٸ زالداعى كٶرەرمەندەردٸڭ كٷلكٸسٸن تۋدىردى.
قانات ەلجاپپاروۆ بۇل وقيعانى ەزٸل رەتٸندە بايانداعانىمەن, تۇرسىنبەك قاباتوۆتىڭ شىعارماشىلىق جولىنداعى ورنىن ەرەكشە باعالايتىنىن اڭعارتتى.
ەزٸلكەشتٸڭ بۇل ەڭگٸمەسٸ ەلەۋمەتتٸك جەلٸدە دە قىزۋ تالقىلانىپ, جەلٸ قولدانۋشىلارى تٷرلٸ قالجىڭدارىمەن بٶلٸستٸ. كٶپشٸلٸك ٶنەر يەسٸنٸڭ تاپقىرلىعىنا كٷلٸپ, پٸكٸر الاڭىن ەزٸلگە تولتىردى. وسىلايشا, قانات ەلجاپپاروۆتىڭ ساحناداعى ەڭگٸمەسٸ جەلٸدەگٸ جۇرتتىڭ دا كٶڭٸلٸن كٶتەردٸ.
قانات ەلجاپپاروۆ كٸم?
قانات ەلجاپپاروۆ – قازاقستاندىق ەزٸلكەش, اكتەر جەنە «جايدارمان» ويىندارى ارقىلى تانىلعان ٶنەر يەسٸ. ول شىعارماشىلىق جولىن قىزىلوردا قالاسىندا كۆن ساحناسىنان باستاعان. كەيٸن «بازار جوق» ەزٸل-سىقاق تەاترىنىڭ قۇرامىندا ٶنەر كٶرسەتٸپ, كٶپشٸلٸككە كەڭٸنەن تانىلا تٷستٸ. 2013 جىلى اتالعان تەاترمەن بٸرگە جۇمىس ٸستەۋ ٷشٸن استاناعا قونىس اۋدارعانى حابارلانعان. ەزٸلكەش ساحنادا وتباسىلىق ٶمٸر مەن قوعامداعى تٷرلٸ جاعدايلاردى قالجىڭعا اينالدىرىپ جەتكٸزەدٸ. قانات ەلجاپپاروۆ تۇرسىنبەك قاباتوۆتى ٶنەردەگٸ ۇستازى رەتٸندە قۇرمەتتەيتٸنٸن بٸرنەشە سۇحباتىندا ايتقان.
ونىڭ جۇبايى – نۇرگٷل قۇدايبەرگەنوۆا. ەكەۋٸ قىزىلوردادا ستۋدەنتتٸك جىلدارى دەمحانادا تانىسقان. ەزٸلكەش 2020 جىلى بەرگەن سۇحباتىندا تٶرت بالاسى بار ەكەنٸن, ولاردىڭ ەكەۋٸ ۇل, ەكەۋٸ قىز ەكەنٸن مەلٸمدەگەن. ول وتباسىنا قاتىستى ەزٸلدەرٸن ساحنادا ايتپاس بۇرىن جۇبايىمەن اقىلداساتىنىن دا جەتكٸزگەن.
قانات ەلجاپپاروۆ كەيٸن كينو سالاسىندا دا باعىن سىناپ, اكتەرلٸك قىرىن كٶرسەتە باستادى. ول 2023 جىلى جارىق كٶرگەن "اپپاق كەلٸن" فيلمٸندە رٶل سومداعان. اتالعان تۋىندىدا اتا-ەجە تەربيەسٸنە بەرٸلگەن بالالاردىڭ تاعدىرىنا قاتىستى ەلەۋمەتتٸك مەسەلە قوزعالادى. سونىمەن قاتار اكتەر "حوتيا بى ۆ كينو 3" جەنە "گەپ" فيلمدەرٸنە تٷسكەن.
