"Nurlan Noǵaev kásipkerlerdi adaldyqqa shaqyrdy. Bul týraly Atyraý óńiriniń basshysy búgin, 20 jeltoqsanda ótken jumys otyrysy barysynda aitty. Keńes barysynda oblystyń ekologiialyq jaǵdaiy, sonyń ishinde qaraýsyz qalǵan munai uńǵymalary máselesi sóz boldy", - dep jazady "Ult aqparat".
“Aimaqta jer qoinaýyn paidalanyp otyrǵan kásipker óz isine adal bolýy kerek. Eń bastysy halyqqa paidasyn tigizý baǵytynda jumys isteýi qajet”, - dedi aimaq basshysy.
Aita ketelik, buǵan deiin Atyraý oblysyndaǵy “Kúmisbek” ken ornyndaǵy eki uńǵymadan munai tógilip, tabiǵatqa ziian kelip jatqany aitylǵan edi. Ken ornyn qytailyq úlesi bar “Kóljan oil” kompaniiasy paidalanyp kelgen. Alaida jyl basynda firmamen kelisimshart merzimi aiaqtalyp, kompaniia uńǵymalaryn qaraýsyz tastap ketken.
“Kúmisbektegi” qaraýsyz qalǵan uńǵymalardy óz aqshamyzǵa biteýge májbúr boldyq. Al buǵan jaýapty tulǵalar bailanysqa shyqpai otyr. Bul, túptep kelgende, olardyń halyq aldyndaǵy jaýapkershiliginiń joqtyǵy. Sebebi, bul – halyqtyń jeri”, - dedi Nurlan Noǵaev.
Aimaq basshysy qaramaǵyndaǵylarǵa uńǵyma ainalasyn tazartyp, topyraq qabatyn qalypqa keltirý jumystarymen ainalysýdy tapsyrdy.
Aita ketelik, 2002-2009 jyldar aralyǵynda Atyraý oblysy ákimdigi óz kúshimen qaraýsyz qalǵan 48 gidrogeologiialyq uńǵymany bitegen. Qazirgi qaraýsyz qalǵan qaýipti munai uńǵymalaryn anyqtap, solardy tyǵyndaý baǵytynda jumys júrip jatyr.
Ult portaly
.jpeg)