"نۇرلان نوعاەۆ كەسٸپكەرلەردٸ ادالدىققا شاقىردى. بۇل تۋرالى اتىراۋ ٶڭٸرٸنٸڭ باسشىسى بٷگٸن, 20 جەلتوقساندا ٶتكەن جۇمىس وتىرىسى بارىسىندا ايتتى. كەڭەس بارىسىندا وبلىستىڭ ەكولوگييالىق جاعدايى, سونىڭ ٸشٸندە قاراۋسىز قالعان مۇناي ۇڭعىمالارى مەسەلەسٸ سٶز بولدى", - دەپ جازادى "ۇلت اقپارات".
“ايماقتا جەر قويناۋىن پايدالانىپ وتىرعان كەسٸپكەر ٶز ٸسٸنە ادال بولۋى كەرەك. ەڭ باستىسى حالىققا پايداسىن تيگٸزۋ باعىتىندا جۇمىس ٸستەۋٸ قاجەت”, - دەدٸ ايماق باسشىسى.
ايتا كەتەلٸك, بۇعان دەيٸن اتىراۋ وبلىسىنداعى “كٷمٸسبەك” كەن ورنىنداعى ەكٸ ۇڭعىمادان مۇناي تٶگٸلٸپ, تابيعاتقا زييان كەلٸپ جاتقانى ايتىلعان ەدٸ. كەن ورنىن قىتايلىق ٷلەسٸ بار “كٶلجان ويل” كومپانيياسى پايدالانىپ كەلگەن. الايدا جىل باسىندا فيرمامەن كەلٸسٸمشارت مەرزٸمٸ اياقتالىپ, كومپانييا ۇڭعىمالارىن قاراۋسىز تاستاپ كەتكەن.
“كٷمٸسبەكتەگٸ” قاراۋسىز قالعان ۇڭعىمالاردى ٶز اقشامىزعا بٸتەۋگە مەجبٷر بولدىق. ال بۇعان جاۋاپتى تۇلعالار بايلانىسقا شىقپاي وتىر. بۇل, تٷپتەپ كەلگەندە, ولاردىڭ حالىق الدىنداعى جاۋاپكەرشٸلٸگٸنٸڭ جوقتىعى. سەبەبٸ, بۇل – حالىقتىڭ جەرٸ”, - دەدٸ نۇرلان نوعاەۆ.
ايماق باسشىسى قاراماعىنداعىلارعا ۇڭعىما اينالاسىن تازارتىپ, توپىراق قاباتىن قالىپقا كەلتٸرۋ جۇمىستارىمەن اينالىسۋدى تاپسىردى.
ايتا كەتەلٸك, 2002-2009 جىلدار ارالىعىندا اتىراۋ وبلىسى ەكٸمدٸگٸ ٶز كٷشٸمەن قاراۋسىز قالعان 48 گيدروگەولوگييالىق ۇڭعىمانى بٸتەگەن. قازٸرگٸ قاراۋسىز قالعان قاۋٸپتٸ مۇناي ۇڭعىمالارىن انىقتاپ, سولاردى تىعىنداۋ باعىتىندا جۇمىس جٷرٸپ جاتىر.
ۇلت پورتالى
.jpeg)