Gaz resýrstary eldiń ishki qajettilikterin qamtamasyz etý úshin jetkilikti. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«Eń aldymen gaz resýrstary eldiń ishki qajettiligin qamtamasyz etýge jetkilikti ekenin atap ótkim keledi. Qor jónindegi memlekettik komissiia 3,8 trln tekshe metr kóleminde óndiriletin gaz qoryn bekitti. Onyń ishinde ilespe gaz – 2,2 trln tekshe metr jáne tabiǵi gaz – 1,6 trln tekshe metr. Barlyq barlanǵan gaz qorynyń 98 paiyzǵa jýyǵy - Qazaqstannyń batysynda, bul rette 87 paiyzdan astamy - iri munai-gaz jáne munai-gaz kondensaty ken oryndarynda shoǵyrlanǵan», - dedi ol.
Ministrdiń aitýynsha, elimizdiń iri ken oryndary - Qashaǵan, Qarashyǵanaq, Teńiz qory Qazaqstan Respýblikasynyń búkil qorynyń 75 paiyzyn quraidy.
«Óndiriletin gazdan qajetti kólem ishki naryqqa, bir bóligi eksportqa, bir bóligi qysymdy ustap turý úshin qabatqa aidaýǵa jáne jer qoinaýyn paidalanýshylardyń jeke tehnologiialyq muqtajdaryna jumsalady», - dedi Nurlan Noǵaev.
