گاز رەسۋرستارى ەلدٸڭ ٸشكٸ قاجەتتٸلٸكتەرٸن قامتاماسىز ەتۋ ٷشٸن جەتكٸلٸكتٸ. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى "ۇلت اقپارات".
«ەڭ الدىمەن گاز رەسۋرستارى ەلدٸڭ ٸشكٸ قاجەتتٸلٸگٸن قامتاماسىز ەتۋگە جەتكٸلٸكتٸ ەكەنٸن اتاپ ٶتكٸم كەلەدٸ. قور جٶنٸندەگٸ مەملەكەتتٸك كوميسسييا 3,8 ترلن تەكشە مەتر كٶلەمٸندە ٶندٸرٸلەتٸن گاز قورىن بەكٸتتٸ. ونىڭ ٸشٸندە ٸلەسپە گاز – 2,2 ترلن تەكشە مەتر جەنە تابيعي گاز – 1,6 ترلن تەكشە مەتر. بارلىق بارلانعان گاز قورىنىڭ 98 پايىزعا جۋىعى - قازاقستاننىڭ باتىسىندا, بۇل رەتتە 87 پايىزدان استامى - ٸرٸ مۇناي-گاز جەنە مۇناي-گاز كوندەنساتى كەن ورىندارىندا شوعىرلانعان», - دەدٸ ول.
مينيستردٸڭ ايتۋىنشا, ەلٸمٸزدٸڭ ٸرٸ كەن ورىندارى - قاشاعان, قاراشىعاناق, تەڭٸز قورى قازاقستان رەسپۋبليكاسىنىڭ بٷكٸل قورىنىڭ 75 پايىزىن قۇرايدى.
«ٶندٸرٸلەتٸن گازدان قاجەتتٸ كٶلەم ٸشكٸ نارىققا, بٸر بٶلٸگٸ ەكسپورتقا, بٸر بٶلٸگٸ قىسىمدى ۇستاپ تۇرۋ ٷشٸن قاباتقا ايداۋعا جەنە جەر قويناۋىن پايدالانۋشىلاردىڭ جەكە تەحنولوگييالىق مۇقتاجدارىنا جۇمسالادى», - دەدٸ نۇرلان نوعاەۆ.
