Belgili KVN-shi, shoýmen jáne prodiýser Nurlan Qoianbaev Qazaqstan prezidentiniń kezekten tys sailaýyna óz kandidatýrasyn usynýǵa nietti. Bul týraly yvision.kz blog-platformasyndaǵy kay_zz atty avtor málimdedi, dep jazady KAZ.NUR.KZ.
Ortalyq sailaý komissiiasyna silteme bergen avtor "KVN odaǵy" respýblikalyq jastar qoǵamdyq birlestigi aldaǵy sailaýǵa óz úmitkerleri retinde Nurlan Qoianbaevty usynǵanyn aitty.
Onyń sózinshe, Qoianbaevtyń komandasy memlekettik qyzmettegi bes jyldyq jumys ótili týraly zańdy talapty qalai ainalyp ótý kerektigin de oilap taýypty.
Alaida, aqparat jalǵan bolyp shyqty. Bul týraly "Qazaqstan KVN Odaǵy" respýblikalyq jastar qoǵamdyq birlestiginiń prezidenti Esen Eleýken aitty.
"Bul ótirik aqparat. Mundai usynys bizge túsken joq", - dedi Esen Eleýken.
Aita keteiik, kúni keshe Ýkraindaǵy prezident sailaýynyń ekinshi kezeńiniń qorytyndysy boiynsha shoýmen Vladimir Zelenskii jeńiske jetti.
Al Qazaqstanda kezekten tys prezident sailaýy 9 maýsym kúni ótedi.
