Ánshi Nurlan Alban ulynyń áskeri boryshyn ótep, úiine oralǵanyn aityp, jurttan súiinshi surady, dep habarlaidy ult.kz.

Qýanyshty habardy óner iesi áleýmettik jelidegi paraqshasynda bólisti. Balasyn aman-esen qarsy alǵan áke áskerdegi ózge sarbazdarǵa da aq tilegin arnady.

“Súiinshi! Balam Otan aldynda áskeri boryshyn ótep, aman-esen shańyraqqa oraldy. Áskerde júrgen ár sarbazdyń aman-saý otbasyna oralýyn shyn nietimmen tileimin!” – dep jazdy Nurlan Alban.

Aita keteiik, Mansar Orynhan otbasyndaǵy jaǵdaidy túsindirdi.

Nurlan Alban kim? 

 

Nurlan Alban – qazaqstandyq ánshi, mýzykant ári telejúrgizýshi. Shyn aty-jóni – Nurlan Tájikenov. Kópshilikke Nurlan Alban degen sahnalyq esimmen tanylǵan.

Óner joly 1999 jyly respýblikalyq “Jas qanat” baiqaýynan bastalǵan. 2001 jyly “Úrker” tobyna qabyldanyp, ujym quramynda on jylǵa jýyq óner kórsetken. Keiin jeke shyǵarmashylyǵyna den qoiǵan.

2010 jyly “Sálem” jáne “Qarttarym, aman-saýmysyń…” atty eki án jinaǵyn shyǵarǵan. Ánshilikpen qatar túrli kontsertter men mádeni sharalardy júrgizedi. Shyǵarmashylyǵynda ulttyq naqyshtaǵy ánderge oryn beredi.