Marqum Nurai Serikbaiǵa qatysty áleýmettik jelide aýyr ári qorlaityn pikir qaldyrǵan adamnyń ustalǵany belgili boldy. Bul týraly Nuraidyń týǵan-týystarynyń quqyǵyn qorǵap júrgen advokat Aianhan Omarov málimdedi, dep habarlaidy ult.kz.
Advokattyń aitýynsha, buǵan deiin áleýmettik jelide «Nuraiǵa 72 ret pyshaq tyǵar edim» degen mazmunda jariia túrde pikir qaldyrǵan @dkraken9 akkaýntynyń iesi politsiia qyzmetkerlerimen anyqtalyp, ustalǵan.
«Nuraiǵa qatysty: “72 ret pyshaq tyǵar edim” dep jariia túrde pikir qaldyrǵan @dkraken9 akkaýntynyń iesi politsiia qyzmetkerlerimen anyqtalyp, ustaldy. Qazirgi ýaqytta men jábirlenýshi taraptyń ókili retinde Nuraidyń aǵasy Sultan Serikbaimen birge politsiiaǵa bara jatyrmyn. Istiń ári qaraiǵy barysy týraly qosymsha aqparat beremin», – dep jazdy advokat.
Qazirgi tańda atalǵan derek boiynsha quqyq qorǵaý organdary tergeý amaldaryn júrgizip jatyr. Kúdiktiniń áreketine quqyqtyq baǵa berilip, istiń mán-jaiy anyqtalýda. Advokat istiń barysy týraly aldaǵy ýaqytta qosymsha aqparat beretinin jetkizdi.
