Shymkenttegi Nurai Serikbaidyń qazasy boiynsha tergeý aiaqtaldy, dep habarlaidy ult.kz.
Bul jóninde jábirlenýshi taraptyń advokaty Aianhan Omarov málimdedi.
«Búgingi kúnge deiin jábirlenýshi tarap pen olardyń advokaty qylmystyq istiń 1–7 tomdarymen tanysyp, olardyń kóshirmelerin aldyq. Qazirgi ýaqytta qylmystyq is materialdarymen tanysý jalǵasýda. Istiń barlyq qatysýshysy zańda kózdelgen quqyqtaryn tolyq paidalanyp bolǵannan keiin is sotqa joldanady», – dep habarlady advokat.
Aita keteiik, qandy qylmys 11 qańtarda jasalǵan. Sol kúni keshke Shymkent qalasynda 21 jastaǵy Nurai Serikbaidy tanysy 11 jerinen pyshaqtap óltirgen.
Bul fakt boiynsha adam óltirý, nekege turýǵa májbúrleý jáne stalking boiynsha qylmystyq is qozǵaldy. 28 jastaǵy kúdikti 13 qańtarda Shymkentten on shaqyrym jerden ustalyp, qamaýǵa alyndy.
